Osiyo futbol konfederatsiyasi Elit Osiyo Chempionlar Ligasi 1/8 final bosqichi o‘yinlarining vaqtlarini eʼlon qildi.
Unga ko‘ra, O‘zbekiston vakili “Paxtakor” Saudiya chempioni “Al-Hilol”ni 4-mart kuni “JAR” stadionida qabul qiladi. Bellashuv Toshkent vaqti bilan 21:00 da boshlanadi.
Javob bellashuvi esa 11-mart kuni Riyodda o‘tkaziladi va ushbu uchrashuv ham 21:00 ga belgilangan.
Avvalroq “Paxtakor” musobaqada hozirgacha qancha ishlab topgani haqida xabar berilgandi. Ma’lumot uchun, poytaxt klubi umumiy bosqichdagi o‘yinlarning 1 tasida g‘alaba qozondi. 4 ta uchrashuvda durang o‘ynagan jamoa uchrashuvlarning 3 tasida mag‘lub bo‘ldi. 7 ochko jamoaning keyingi bosqichga chiqish imkonini berdi.
Izoh (0)