“Al-Hilol” jamoasi bosh murabbiyi Jorje Jezus 32 yoshli hujumchi Neymar Saudiya Arabistoni chempionatining ikkinchi qismida jamoa tarkibiga kiritilmasligini, futbolchining o‘yin darajasi pasayganini ta’kidladi.
“Neymar chempionat uchun jamoa tarkibiga kiritilmaydi. U Osiyo Chempionlar Ligasida qatnashishi mumkin. Saudiya Arabistoni chempionati dunyoning eng yaxshi ligalaridan biri. ‘Al-Hilol’ning barcha futbolchilari istalgan Yevropa klubida o‘ynay oladi. Neymar endi biz odatlangan darajani namoyish eta olmaydi. Afsuski, uning uchun vaziyat murakkablashdi”, deya Jorje Jezusning so‘zlarini keltiradi Footmercato.
Ma’lumot uchun, braziliyalik futbolchi 2023-yil oktabr oyida tizzasidan jarohat olgan edi. Neymar o‘tgan yilning oktyabriga qadar jarohatdan tiklangan, ammo Osiyo Chempionlar Ligasi doirasidagi “Istiqlol”ga qarshi o‘yinda yana jarohat olgan. Joriy mavsumda hujumchi ikki uchrashuvda maydonga tushib, jami 42 daqiqa o‘ynadi.
Izoh (0)