O‘zbekistonda sug‘urta bozorining barqaror rivojlanayotgan sharoitida “O‘zbekinvest” kompaniyasi o‘z faoliyatining asosiy ko‘rsatkichlari bo‘yicha barqaror o‘sishni namoyon etmoqda va respublikadagi sug‘urta sohasidagi yetakchi ishtirokchilardan biri sifatida o‘z mavqeini tasdiqlamoqda.
2025-yilning I yarim yilligida kompaniya tomonidan 709,1 mlrd so‘m miqdoridagi jami sug‘urta mukofotlari yig‘imi taʼminlandi, bu o‘tgan yilning shu davriga nisbatan 145% o‘sishni tashkil etdi.
Qayta sug‘urta mukofotlari bo‘yicha jami yig‘im 23,5 mln AQSH dollarini tashkil etdi. Kompaniya portfelida xalqaro qayta sug‘urtaning ulushi 41% ga teng bo‘ldi.
Mahalliy eksportyor tovar va xizmatlar uchun 1,6 mlrd AQSH dollari miqdorida sug‘urta himoyasi taqdim etildi.
Korporativ segmentda sug‘urta mukofotlari yig‘imi 233,1 mlrd so‘mni tashkil etdi, bu 2024-yilning I yarim yilligiga nisbatan 169 % o‘sish demakdir. Shu jumladan, investitsion loyihalarni sug‘urtalash bo‘yicha mukofotlar yig‘imi 33,2 mlrd so‘mni tashkil qildi.
Jismoniy shaxslarni sug‘urtalash segmentida 58,7 mlrd so‘m miqdorida mukofotlar yig‘ildi, bu o‘tgan yilning shu davriga nisbatan 101% o‘sish demakdir.
Kompaniya mijozlari soni 2024-yilning I yarim yilligidagi 388 726 tadan 496 743 taga yetdi, yaʼni 127% o‘sish kuzatildi. Joriy yilning birinchi yarmida yuridik shaxslar bilan 14 307 ta, jismoniy shaxslar bilan esa 482 436 ta shartnoma tuzildi, bu o‘tgan yilning shu davriga nisbatan 128% ko‘pdir.
2025-yil iyul oyi boshiga kelib, “O‘zbekinvest” kompaniyasi transport vositalari egalari javobgarligining majburiy sug‘urtasi (TVEFJMSQ) bozorida yetakchi rolini yanada mustahkamladi. 6 oy davomida raqamli platformalar orqali 496 468 tadan ortiq onlayn sug‘urta polislari rasmiylashtirildi.
2025-yilning I yarim yilligi mobaynida kompaniya jismoniy va yuridik shaxslarga 2 501 ta sug‘urta hodisasi bo‘yicha 59 mlrd so‘m miqdorida sug‘urta tovonlarini to‘lab berdi.
Aprel oyida “O‘zbekinvest” kompaniyasi xalqaro “International Insurance Society” (IIS) – 90 dan ortiq mamlakatdan 500 ga yaqin yetakchi sug‘urta kompaniyalarini birlashtirgan jamiyat aʼzosi bo‘ldi.
May oyida esa kompaniya London sug‘urta bozorida faoliyat yuritayotgan yetakchi kompaniyalarni birlashtirgan “The International Underwriting Association of London” (IUA) – xalqaro anderayting uyushmasi aʼzosi bo‘ldi.
Kompaniyaning mazkur xalqaro tashkilotlarga aʼzo bo‘lishi O‘zbekiston jaxon sug‘urta bozori maydonida o‘z o‘rnini topayotganidan dalolat beradi va mamlakatning sug‘urta sohasidagi pozitsiyasini mustahkamlaydi.
Shuningdek, joriy yilning birinchi yarmida “O‘zbekinvest” kompaniyasi Ispaniyaning eksport-kredit sug‘urta agentligi “CESCE”, Italiyaning “SACE” eksport sug‘urta kompaniyasi, bir qator ispan va italyan sug‘urta hamda broker kompaniyalari va Slovakiyaning eksport-import banki – “Eximbanka SR” bilan hamkorlik shartnomalarini imzoladi.
Shuni ham taʼkidlash joizki, may oyida “A.M. Best Company” xalqaro reyting agentligi “O‘zbekinvest” kompaniyasiga “B” va “bb” darajasidagi reytinglarni “barqaror” prognozi bilan tasdiqladi.
Shu bilan birga, iyun oyida “Moody‘s Ratings” xalqaro reyting agentligi “O‘zbekinvest” kompaniyasining moliyaviy barqarorlik reytingi bo‘yicha prognozini “Ba2” darajasidagi “barqaror”dan — “Ba2” darajasidagi “ijobiy”ga ko‘tardi. Bu esa mamlakatning bank-moliya sektoridagi eng yuqori ko‘rsatkichlardan biri hisoblanadi.
Reklama huquqi asosida.
Izoh (0)