Futbol bo‘yicha Osiyo Chempionlar Ligasi guruh bosqichi 2-turi doirasida “Nasaf” 11-aprel, dushanba kuni “Al-Vihdat” bilan bahs yuritdi.
Uchrashuvning birinchi 45 daqiqaligi teng kurashlar ostida o‘tdi va darvozalar daxlsiz qoldi.
Ikkinchi bo‘limda qarshiliklar ikki bor raqib darvozasini ishg‘ol etishning uddasidan chiqdi. 71-daqiqada Bahrom Abdurahimovning uzatmasidan keyin Marko Stanoyevich jarima maydonchasi tashqarisidan ajoyib gol urishga muvaffaq bo‘ldi. 85-daqiqaga kelib, Marko 11 metrlik jarima zarbasini golga aylantirib, jamoasiga ishonchli g‘alabani taqdim etdi. Bu serbiyalik futbolchi uchun o‘yindagi 2-gol bo‘ldi.
Shu tariqa “Nasaf” 2-turda Iordaniya klubini mag‘lub etdi va 3 ochkoga ega bo‘ldi. Jamoa ilk turda “As-Sadd” bilan durang o‘ynagandi. E guruhining ikkinchi o‘yinida esa “Al-Faysali” (Saudiya Arabistoni) va “As-Sadd” (Qatar) bahs olib boradi.
Eslatib o‘tamiz, 10-aprel kuni OChLda qatnashayotgan boshqa bir o‘zbek klubi “Paxtakor” Saudiya Arabistoni jamoasidan ustun kelgandi.
OChL
2-tur bahsi
11-aprel, dushanba
“Nasaf” — “Al-Vihdat” 2:0
Gollar: 1:0 — 71 Stanoyevich, 2:0 — 85 penalti Stanoyevich.“Nasaf”: 35.Abduvohid Ne’matov, 2.Alibek Davronov, 4.Husniddin Aliqulov, 7. Sharof Muhiddinov, 8.Dilshod Saitov, 9.Ivan Solovyov (17.Suhrob Nurulloyev, 70), 10.Husayn Norchayev (99.Semir Smaylagich, 75), 22.Akmal Mozgovoy, 77.Oybek Bozorov ( 6.Murodbek Rahmatov, 88), 88.Marko Stanoyevich, 92. Umarbek Eshmurodov.
“Al-Vihdat”: 1. Ahmad Navvas, 2. Muhammad Ali Buhashesh, 3. Muhannad Hair, 7. Munter Umar, 8. Xolid Assam, 10. Ahmad Navaf (15. Anas Ahmad, 73), 16. Feras Shilbaya, 18. Tariq Hattab, 20. Klarens Junior, 21. Muhammad Anas, 90. Ahmad Samir.
Ogohlantirishlar: Mozgovoy 68.
Izoh (0)