Futbol bo‘yicha Osiyo Chempionlar Ligasi guruh bosqichining 6-turida “Paxtakor” “At-Ta’vun” ustidan 5:4 hisobida g‘alaba qozondi.
Bu orqali “sherlar” Osiyo Chempionlar Ligasidagi g‘alabalari sonini 50 taga yetkazib oldi. Qayd etish joiz, “Paxtakor” 49-g‘alabasini ham “At-Ta’vun”ga qarshi o‘yinda qo‘lga kiritgan. Undan so‘ng ketma-ket “Ad-Duhayl” (2:3, 0:3) va “Sepaxon”ga (1:2) qarshi bahslarda mag‘lubiyatga uchradi.
“Paxtakor” OChLda 50 ta g‘alabaga erishgan 4-jamoaga aylandi. Unga qadar faqat “Al-Ittihod” (50), “Chonbuk Motors” (66) va “Al-Hilol” (74) ushbu marrani bosib o‘tgan.
Shuningdek, toshkentliklar musobaqadagi gollari sonini 160 taga yetkazdi. Shu tariqa “Paxtakor” OChLda urilgan gollar soni bo‘yicha 6-o‘ringa ko‘tarildi. “Al-Ittihod” (178), “Al-Ayn” (180), “As-Sadd” (181), “Al-Hilol” (241) va “Chonbuk Motors” (253) bu borada “Paxtakor”dan oldinda.
Ma’lumot uchun, “Paxtakor” 6 ochko bilan D guruhini oxirgi o‘rinda yakunladi. Slavche Voyneski jamoasi o‘tkazilgan 6 o‘yinning 4 tasida mag‘lubiyatga uchragan bo‘lsa, 2 tasida g‘alaba qozondi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)