O‘zbekiston Professional futbol ligasi tomonidan 2025-yilgi mavsumda foydalanish uchun Adidas Tiro Pro to‘plari xarid qilinadi. Bu haqda tashkilot matbuot xizmati xabar berdi.
Maʼlum qilinishicha, Superliga va Proliga klublari yangi mavsumda rasmiy uchrashuvlarni shu to‘plarda o‘tkazadi.
Bunga qadar ikki mavsum davomida Molten to‘plaridan foydalanib kelingandi. Xalqaro maydonda to‘p surayotgan klublar ham aynan Molten to‘plaridan foydalanishidan kelib chiqib, shunday qarorga kelingan.
“Adidas Tiro Pro to‘plari futbolchilarda qanday taassurot qoldirishini aniqlashtirish masalasida Liga Osiyo maydonlarida mamlakat sharafini himoya qilayotgan “Paxtakor” va “Nasaf”, shuningdek, kelasi mavsum Chempionlar ligasi II musobaqasida ishtirok etadigan “Andijon” klublarini tanlab oldi. Mazkur klublar futbolchilari mashg‘ulotlar davomida Adidas Tiro Pro bilan ishlab ko‘rdi hamda Ligaga o‘zining ijobiy xulosasini taqdim etdi”, deyiladi xabarda.
Izoh (0)