Afsonalar ko‘z yoshi, taxtdagi “lo‘lilar qiroli”, samoga qarata ko‘tarilgan qo‘llar va g‘alaba saltosi. Sport olamida 2022-yilning eng yorqin suratlari
Ortda qolgan 2022-yil dunyo va O‘zbekiston sportida voqealarga boy bo‘ldi. Ushbu sahifada o‘tgan yilning sportga oid eng sara suratlari taqdim etiladi.
Vertolyot halokatga uchragan joyda Kobi Brayant va uning qizi xotirasiga o‘rnatilgan haykal.Foto: Getty Images
Qishki Olimpiya o‘yinlari ochilish marosimi vaqtida xitoylik askarning ko‘zidan yosh oqmoqda.Foto: Reuters
Tramplindan sakrash vaqtida shveysariyalik Dominik Peterning ko‘zoynagida Olimpiada ramzi aks etyapti.Foto: Getty Images
Jazoir terma jamoasi Kamerunga qarshi o‘yinning so‘nggi soniyalarida gol o‘tkazib yuborib, JCH—2022 yo‘llanmasidan quruq qolganidan keyin bosh murabbiy Jamil Belmadining holati.Foto: Twitter
Lo‘lilar qiroli” Tayson Fyuri Dillian Uaytga qarshi jangga qirollarga xos tarzda chiqib kelmoqda. Jangni ham shunga yarasha o‘tkazadi.Foto: Getty Images
UFC yulduzlari o‘rtasida kechgan jangda Toni Fergyusonni dahshatli nokautga uchratgan Maykl Chendler salto namoyish qilmoqda.Foto: Reuters
Toshkentda o‘tgan A Seriya yulduzlari va o‘zbek futboli afsonalari o‘rtasidagi o‘yinda bazo‘r yugurayotgan Aleksandr Geynrix.Foto: “Daryo” / Madina Nurman
Chempionlar Ligasi sovrini yana tanish qo‘llarda. “Real” bu safar ham Yevropaning eng yaxshi klubi.Foto: AFP
Bir necha oydan keyin Argentinaga nasib etadigan JCH kubogi Toshkentda.Foto: “Daryo” / Madina Nurman
O‘tgan yili Formula 1 da yuz bergan eng yirik avariya. Chjou Guanyuy mana shu falokatdan tirik chiqdi.Foto: Getty Images
Butunjahon shaxmat Olimpiadasining kulminatsion pallasi: Nodirbek Abdusattarovga qarshi partiyaning katta qismida yutuqli pozitsiyada bo‘lgan Gukesh qo‘pol xato tufayli o‘yinni boy bermoqda.Foto: Twitter/@LennartOotes
O‘zbekiston U-23 terma jamoasi a’zolari Osiyo Kubogi doirasida Qatarga qarshi o‘yindagi (6:0) golni marhum Diyor Rahimqulovga bag‘ishlab, nishonlamoqda.Foto: O‘FA
Oleksandr Usik revansh jangida ham Entoni Joshuaga imkon qoldirmadi.Foto: AFP
“Brayton” logotipidagi ikki chayka. Fotomuxbirga qoyil qolmasdan iloj yo‘q.Foto: Reuters
Mavsum davomida “Navbahor”ni qo‘llab-quvvatlagan namanganlik muxlislarning “Paxtakor”ga qarshi o‘yinda.Foto: “Daryo” / Jahongir Akramov
US Open’da sensatsion g‘alabani qo‘lga kiritgan Karlos Alkaras va unga tikilib turgan qo‘riqchi.Foto: Getty Images
Afsonaviy Rojer Federerning so‘nggi o‘yini, ko‘z yoshlar.Foto: Getty Images
O‘zbekiston futzal terma jamoasi a’zosi Elbek To‘lqinov golni nishonlamoqda. Yakunda O‘zbekiston Osiyo Kubogi bronza medaliga ega chiqdi.Foto: O‘FA
Erling Holandni to‘xtatish uchun bu usul ham yordam bermadi.Foto: Getty Images
Mavsumning eng yaxshi o‘yinchisi, uning qo‘llaridagi ikki bog‘ich va tribunadagi “to‘qqizinchi raqam”.Foto: Reuters
“Boka Xuniors” muxlislari “Independyente”ga qarshi o‘yin vaqtida.Foto: Reuters
Jahon kubogi doirasidagi musobaqa vaqtida Mikaela Shiffrin va Santa Klaus. Sportchi xomush ko‘rinmoqda, biroq u musobaqada g‘alaba qozongan.Foto: Getty Images
O‘zbekistonda yilning eng yaxshilari aniqlandi. Sahnada ramziy terma jamoadan joy olgan futbolchilar va O‘FA prezidenti.Foto: “Daryo” / Madina Nurman
Qatar maydonlarida o‘tkazilgan Jahon Chempionatining ochilish marosimi.Foto: Reuters
Krishtianu Ronaldu effekti. Portugaliya madhiyasi vaqtida fotomuxbirlarning aksariyat qismi zaxira o‘rindig‘idagilarni suratga olish bilan band.Foto: Twitter
Germaniyani uyga ravona qilgan, Yaponiyani esa mundial pley-offiga olib chiqqan millimetrlar.Foto: Getty Images
Killian Mbappening super tezligi.Foto: Getty Images
Tajribali Dani Alves Qatar maydonlaridagi muvaffaqiyatsizlikdan keyin Neymarni ovutmoqda.Foto: AFP
Argentinaning ayrim o‘yinchilari penaltilar seriyasidagi g‘alabadan keyin Niderlandiya vakillarining ustidan kulyapti.Foto: Twitter
Finalda het-trik ijro etib, penaltilar seriyasida ham mo‘ljaldan adashmagan Kilianning holatini tushunish mumkin.Foto: Reuters
Jahon kubogi ishonchli qo‘llarda.Foto: Reuters
Peleni so‘nggi yo‘lga kuzatish marosimi uning sevimli maskaniga aylangan “Santos” klubi stadionida bo‘lib o‘tdi.Foto: Reuters
Izoh (0)