Biznes va tadbirkorlik oliy maktabi magistratura dasturlariga qabul jarayonlari davom etayotganini ma’lum qiladi

Bugungi tez o‘zgaruvchan va raqobatbardosh global iqtisodiy muhitda muvaffaqiyatli bo‘lish uchun zamonaviy bilim, strategik tafakkur va amaliy ko‘nikmalarga ega bo‘lish nihoyatda muhimdir. Yangi texnologiyalar, raqamli transformatsiya, barqarorlik tamoyillari va xalqaro hamkorlik bugungi biznesning ajralmas qismiga aylangan.

Shu bois, O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabi — ushbu ehtiyojlarni to‘liq qamrab oluvchi, xalqaro andozalarga mos magistratura dasturlarini taklif etadi.

Mutlaqo amaliy va zamonaviy yondashuvga ega magistrlik dasturlari

Yangi o‘quv yilida abituriyentlarga 7 ta dolzarb yo‘nalish bo‘yicha magistratura mutaxassisliklarini taklif etiladi. Har bir dastur chuqur tahlil, zamonaviy strategiyalar, amaliy yondashuv va xalqaro ko‘nikmalarni rivojlantirishga qaratilgan.

Taklif etilayotgan yo‘nalishlar:

• MSc Loyiha boshqaruvi – murakkab va ko‘p bosqichli loyihalarni rejalashtirish, boshqarish va samarali amalga oshirishni o‘rgatuvchi dastur. Hozirgi ish bozori aynan loyiha menejerlariga bo‘lgan talab bilan ajralib turadi.
• MBA Agrobiznes – O‘zbekiston iqtisodiyotining ustun yo‘nalishlaridan biri bo‘lgan qishloq xo‘jaligi va agrosanoat tarmog‘i uchun zamonaviy menejerlarni tayyorlaydi. Agrotexnologiyalar, oziq-ovqat xavfsizligi, eksport salohiyatini oshirish kabi mavzular asosida tuzilgan.
• MBA Global menejment – xalqaro miqyosda kompaniyalarni boshqarish, transmilliy strategiyalar yaratish va jahon bozoriga chiqish qobiliyatini shakllantiradi. Dastur global biznesning nozik jihatlarini o‘rgatadi.
• MBA Kichik biznes va tadbirkorlik – o‘z startapini ochmoqchi yoki mavjud biznesini yangi bosqichga olib chiqmoqchi bo‘lganlar uchun. Innovatsion fikrlash, mijozga yo‘naltirilgan yondashuv va moliyaviy barqarorlikni shakllantirishga qaratilgan.
• MBA Liderlik – jamoalarni boshqarish, samarali yetakchilik, qaror qabul qilishda strategik yondashuv va o‘zgarishlarni boshqarish ko‘nikmalarini rivojlantiradi.
• MBA Moliya – moliyaviy boshqaruv, investitsiya tahlili, byudjetlash, risklarni boshqarish, korporativ moliyaviy qarorlar va moliya bozorlaridagi zamonaviy amaliyotlar asosida tuzilgan.
• MBA Raqamli iqtisodiyot – sun’iy intellekt, blokcheyn, raqamli strategiya, elektron tijorat, innovatsion biznes modellar, big data va texnologik transformatsiya bo‘yicha chuqur bilim beradi.

Tajribali ustozlar, ilg‘or ta’lim metodlari

Dasturlarni tayyorlash va o‘qitish jarayoniga yetakchi mahalliy va xorijiy professorlar, amaliyotchi mutaxassislar jalb etilgan. Bu sizga nafaqat nazariy bilim, balki real hayotda sinovdan o‘tgan strategiyalarni ham o‘rganish imkonini beradi.

Ta’lim mashg‘ulotlari o‘zbek, rus va ingliz tillarida, kunduzgi va kechki formatlarda olib boriladi.

Xalqaro tajriba va hamkorlik imkoniyatlari

Biznes va Tadbirkorlik Oliy Maktabi o‘zining keng ko‘lamli xalqaro aloqalari bilan ham ajralib turadi. Talabalar:

• Xalqaro amaliyotlarda qatnashish;
• Tashqi ta’lim muassasalari bilan almashuv dasturlarida ishtirok etish;
• Xorijiy professorlarning mahorat darslarida qatnashish;
• Xalqaro konferensiyalar va biznes forumlarda ishtirok etish imkoniyatiga ega bo‘ladilar.

Bu esa bilimlarni yanada mustahkamlash, yangi fikrlar va dunyoqarashlar bilan tanishish, shuningdek, global tarmoqlar bilan bog‘lanish imkonini beradi.

Talab qilinadigan hujjatlar:

• Bakalavr diplomi nusxasi;
• 3 yildan kam bo‘lmagan ish tajribasi (bakalavr diplomidan keyingi);
• Tavsiyanoma;
• Pasport yoki ID-karta nusxasi;
• IELTS, TOEFL sertifikati (mavjud bo‘lsa).

Ingliz tili sertifikatiga ega bo‘lmaganlar uchun kirish imtihonlarida qo‘shimcha ingliz tili fani test sinovlarida qatnashadilar. Kirish imtihonlari O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan o‘tkaziladi.

Hujjat topshirish tartibi va platformasi

Hujjatlar qabul qilish jarayoni to‘liq onlayn shaklda amalga oshiriladi. Buning uchun e-tinglovchi platformasi orqali ro‘yxatdan o‘tib, barcha hujjatlarni yuborish mumkin.

Batafsil ma’lumotlar, qabul talablari, har bir yo‘nalish bo‘yicha o‘quv rejalari va dars jadvallari bilan tanishish uchun rasmiy veb-saytga tashrif buyuring:

 https://gsbe.uz

Murojaat uchun: +998 71-239-03-15, 71-239-03-03

Agar siz yuqori malakali, xalqaro maydonda tan olingan, amaliy bilimga ega bo‘lgan menejer, tadbirkor yoki yetakchi bo‘lishni istasangiz — bu imkoniyatni qo‘ldan boy bermang!

O‘zgarishlar sari birinchi qadamni tashlang — kelajakdagi yutuqlaringiz aynan mana shu qaroringizdan boshlanadi!

Reklama huquqi asosida.