Portugaliyalik futbolchi Krishtianu Ronaldu Yevropa Chempionlar Ligasida yana bir bor ishtirok etish ehtimolini inkor etmadi.
![](/static/2024/08/30/gettyimages-2169323433-1024x1024-_wfNMSAF.jpg)
Hozirda Saudiyaning “An-Nassr” jamoasida faoliyat olib borayotgan hujumchiga turnir tarixidagi eng yaxshi to‘purar sovrini topshirildi. Ronaldu Chempionlar Ligasida 183 ta o‘yin o‘tkazib, 140 ta golga mualliflik qilgan.
UEFA rahbari Aleksander Cheferin Monakoda bo‘lib o‘tgan YCHLning yangi mavsumi uchun qur’a tashlash marosimida forvardni taqdirladi va 39 yoshli futbolchi ushbu turnirda endi ishtirok etmasligi borasida hazillashdi.
“Men Osiyo Chempionlar Ligasida ishtirok etaman, buni unutmang.
Bu yerda bo‘lish yoqimli. Ajoyib sovrin uchun minnatdorman, bu men uchun juda ko‘p narsani anglatadi. Chempionlar Ligasi futboldan bir bosh ustun turadi. Rekordimning o‘zi ancha narsani bildirib turadi, ammo bu musobaqada ishtirok etish zavqi boshqacha. Bu bizning motivatsiya bo‘lgan.
Futbolda nima bo‘lishini oldindan bilib bo‘lmaydi. Kelajakda balki yana meni ko‘rarsiz”, — deydi Ronaldu.
Krishtianu Ronaldu Yevropadagi faoliyati davomida “Sporting”, “Manchester Yunayted”, “Real” hamda “Yuventus” klublarida o‘ynagan. 2023-yildan buyon Osiyo jamoasi bo‘lmish “An-Nassr” sharafini himoya qilib kelmoqda.
Izoh (0)