Mobiuz jamoasi texnologik imkoniyatlar va raqamli xizmatlarni yanada kengaytirish bo‘yicha strategik yo‘nalishni izchil davom ettirmoqda.
Yaqinlashib kelayotgan aloqa
2025-yil boshidan buyon Mobiuz texnik mutaxassislari 3600 dan ziyod tayanch stansiyalarini ishga tushirdi. Bu mamlakatimizning barcha hududlari — shahar, tuman va qishloqlardagi mingdan ziyod yangi manzillar barqaror, zamonaviy mobil aloqa bilan ta’minlanganini anglatadi.
Ayniqsa, O‘zbekistonning g‘arbiy hududlaridagi tarmoqlarni keng ko‘lamli modernizatsiya qilish — SWAP loyihasi doirasidagi yutuqlar e’tiborga loyiq. Atigi 6 oy ichida Qoraqalpog‘iston Respublikasida 379 ta, Xorazm viloyatida esa 468 ta tayanch stansiya modernizatsiya qilindi. Bunday yangilanishlar millionlab abonentlar uchun aloqa tezligi, barqarorligi va qulayligini sezilarli darajada oshiradi.
Ishonchga asoslangan raqamlar
Mobiuz abonentlari har soatda o‘rtacha 122,7 terabayt mobil internetdan foydalanmoqda. Qiyoslash uchun aytganda, bu trafik bir soat ichida 26 milliondan ortiq qo‘shiqni yuklab olishga yetadi. Bunday ulkan hajm raqamli xizmatlar kundalik hayotimizning naqadar ajralmas qismiga aylanganidan dalolat beradi.
Barcha internet-trafikning 94 foizdan ortig‘i 4G LTE tarmog‘iga to‘g‘ri keladi, bunda 5G-trafik ulushi 2024-yilning dekabriga nisbatan 110 foizga o‘sdi. Mobiuz abonentlari yangi tezliklarning afzalliklaridan faol foydalanmoqda.
Infratuzilmani rivojlantirish — raqamli kelajak poydevori
Tarmoq va internet signali nafaqat mavjud, balki barqaror va ishonchli bo‘lishi uchun sahna ortida yuzlab mutaxassislar tinimsiz mehnat qilmoqda. Ular, jumladan, texnik poydevorni mustahkamlashni ta’minlaydi: joriy yilda 674 dan ortiq radiorele liniyalari modernizatsiya qilindi, 134,47 km yangi optik tolali aloqa liniyalari yotqizildi. Bu sarmoyalar xuddi uyning poydevoriga o‘xshaydi: ular ko‘zga ko‘rinmasa-da, butun tizim aynan ularga tayanadi.
Raqamli ekotizim va abonentlar soni ko‘payishi
Mobiuz’ning nafaqat aloqa operatori, balki universal raqamli platforma bo‘lishga intilishi 2 milliondan ortiq foydalanuvchilar kompaniyaning raqamli ekotizimidan muntazam ravishda foydalanishida namoyon bo‘lmoqda. Bular Mobiuz ilovasi, MobiCinema, MobiMusic va MobiGames xizmatlarini o‘z ichiga oladi.
Umuman olganda, bugungi kunda Mobiuz xizmatlaridan 8 milliondan ortiq abonent foydalanmoqda va bu ko‘rsatkich muntazam ravishda o‘sib bormoqda. Abonentlar bazasining kengayishi texnologiyalarning rivojlanishi va mijozlarning kompaniya brendiga bo‘lgan ishonch darajasining oshishi bilan chambarchas bog‘liq.
Mobiuz innovatsiyalar sari tanlagan yo‘lini izchil davom ettirmoqda va O‘zbekistonning raqamli kelajagi sari ishonch bilan odimlamoqda.
Reklama huquqi asosida
Izoh (0)