“An-Nassr” klubining portugaliyalik hujumchisi Krishtianu Ronaldu Osiyo Chempionlar Ligasining 2-turida Qatarning “Ar-Rayyan” jamoasiga qarshi o‘yinda urgan golini marhum otasiga bag‘ishladi.
“Bugungi golning lazzati o‘zgacha. Qaniydi, otam tirik bo‘lsa, bugun uning tug‘ilgan kuni”, dedi Ronaldu o‘yindan so‘ng.
Dushanba, 30-sentyabr kuni “An-Nassr” o‘z maydonida “Ar-Rayyan”ni qabul qilib, 2:1 hisobida zafar quchdi. Ronaldu 77-daqiqada gol urdi.
Ronalduning otasi Xose Dinis Aveyro 2005-yil 7-sentyabrda Moskvada bo‘lib o‘tgan JCH—2006 saralashi doirasidagi Rossiya — Portugaliya (0:0) o‘yini oldidan jigar yetishmovchiligidan vafot etgan edi. Futbolchining otasi 71 yoshga to‘lgan bo‘lardi.
Izoh (0)