O‘zbekistonning amaldagi chempioni hamda mamlakat Kubogi sohibi o‘rtasida o‘tishi lozim bo‘lgan Superkubok sanasi va manzili aniq bo‘ldi.
“Paxtakor” va “Nasaf” o‘rtasidagi Superkubok bahsi 24-avgust kuni Jizzaxning “So‘g‘diyona” stadionida bo‘lib o‘tadi. Bu haqida PFL rasmiy sayti ma’lum qildi.
“Ma’lumot uchun, mavsum avvalida o‘tishi lozim bo‘lgan Superkubok o‘yini OFK Chempionlar Ligasi taqvimiga o‘zgartirish kiritgani va bu “Nasaf” rejalarini o‘zgartirganidan kelib chiqib, keyinroqqa qoldirilgandi. O‘rtada O‘zbekiston U-20 Osiyo Kubogiga mezbonlik qildi. Keyinroq bu yoshlarning mundialdagi ishtirokiga ulanib ketdi.
Iyun oyida esa O‘zbekiston milliy terma jamoasi CAFA musobaqasida ishtirok etadi. Bu FIFA kunlaridan tashqari sanalarni ham o‘z ichiga oldi. Referendum arafasida esa Superliganing 1 ta turi keyinroq muddatga qoldirildi. Mazkur sabablarni inobatga olib, Liga Superkubok uchrashuvini iyulda emas, avgustda o‘tkazishni maqsadga muvofiq deb topdi va bu borada har ikki klub bilan kelishib oldi. Sentyabrdan boshlab esa “Paxtakor” va “Nasaf” Chempionlar Ligasida ishtirok etadi”, — deyiladi PFL bayonotida.
Qayd etib o‘tish joiz, Superligada ham ikkala jamoa o‘yini U-20 JCH—2023 sabab qoldirilgandi. 11-turdan o‘rin olgan “Nasaf” — “Paxtakor” uchrashuvi 15-avgust kuni bo‘lib o‘tadi.
Izoh (0)