Fransiya terma jamoasining sobiq o‘yinchisi Frank Lebyof Ronalduning Fransiya Liga 1 musobaqasi haqidagi fikrlarini keskin tanqid qildi.
Portugaliyalik futbolchi hozirgi kunda Saudiya chempionati Fransiya chempionatidan anchagina yaxshiroq degan xulosani bergan edi.
“Men Ronalduning Saudiya Professional Ligasi Fransiya chempionatidan kuchliroq degan gapini eshitganimda qattiq jahlim chiqdi. Nima deb o‘ylaysiz, nega u Portugaliya chempionati haqida emas, aynan Liga 1 haqida bu fikrni aytib o‘tdi? Sababi, Messi Fransiya chempionatida o‘ynagan. Men Ronalduni futbolchi sifatida hurmat qilaman. Lekin unga shunday demoqchiman — Shunchaki, ovozingni o‘chir!” — deydi Lebyof.
Eslatib o‘tamiz, Ronaldu Saudiya Arabistonining “An-Nassr” jamoasida 2023-yildan beri o‘ynab kelmoqda.
Osiyo Chempionlar Ligasidan o‘rin olgan “Al-Ayn” va “An-Nassr” o‘rtasidagi uchrashuvda Ronaldu va uning jamoasi kichik hisobda mag‘lubiyatga uchradi.
Jamoalar o‘rtasidagi javob o‘yini 12-mart kuni bo‘lib o‘tadi.
Izoh (0)