Avvalroq “Paxtakor” Elit Chempionlar Ligasidagi yurishini davom ettirishi haqida xabar berilgandi. Futbol mutaxassisi Alisher Nikimbayev “Paxtakor” turnirda qancha daromad topgani haqida yozdi.
Maʼlum qilinishicha, guruh bosqichidagi g‘alaba har bir klubga 100 ming dollar olib keladi, durang uchun esa bonuslar mo‘ljallanmagan. Shuning uchun “Paxtakor” kecha o‘zining ilk 100 ming dollar mukofot pullarini qo‘lga kiritdi. Bunga qo‘shimcha ravishda, har bir klub guruh bosqichida qatnashgani uchun 800 ming dollar oladi.
Biroq, “As-Sadd” ustidan qozonilgan g‘alaba “Paxtakor”ni 1/8 finalga olib chiqqanligi uchun, klub qo‘shimcha ravishda yana 200 ming dollar ishlab topdi.
Shu o‘rinda, kelgusi bosqichlarda alohida g‘alabalar uchun mukofot yo‘qligini taʼkidlash lozim. Chorak finalga chiqish 400 ming dollar, yarim finalga chiqish esa 600 ming dollar qo‘shimcha daromad olib keladi.
Finalda ishtirok etgan jamoa 4 mln dollarga kafolatli ega bo‘ladi, g‘olib esa 10 mln dollar mukofot oladi.
Shuningdek, kelgusi Klublar o‘rtasidagi Jahon Kubogida ishtirok etish imkoniyati ham bor, bu esa kamida 50 mln dollar daromad keltirishi mumkin.
Shunday qilib, “Paxtakor” joriy Osiyo Chempionlar Ligasida hozircha 1,1 mln dollar ishlab topdi:
- 800 000 - guruh bosqichida ishtirok uchun
- 100 000 - “As-Sadd” ustidan qozonilgan g‘alaba uchun
- 200 000 - 1/8 finalga chiqqani uchun
Izoh (0)