FIFA Klublar o‘rtasidagi JCH – 2025 da ishtirok etuvchi jamoalar vakillari bilan uchrashuv o‘tkazdi.
Yig‘ilishda asosiy eʼtibor moliyaviy masalalarga qaratilgan. Maʼlum qilinishicha, yangi formatdagi JCH chempioni kamida 100 mln yevro ishlab olishi kutilmoqda.
Maʼlumot uchun, o‘tgan mavsumda UEFA Yevropa chempionlar ligasi g‘olibi 111 mln yevro ishlab topishi mumkin bo‘lgandi.
Avvalroq klublar o‘rtasidagi JCHning sovrin jamg‘armasi taxminan 2,5 milliard yevro ekanligi maʼlum qilingandi.
5-dekabr kuni JCHga qur’a tashlash marosimi bo‘lib o‘tgan edi.
2025-yildan boshlab klublar o‘rtasidagi Jahon chempionatida 32 ta jamoa ishtirok etadi. Yevropadan 12 ta jamoa, Janubiy Amerikadan 6 ta, Afrika, Osiyo va KONKAKAFdan 4 tadan va Okeaniyadan bitta jamoa ishtirok etadi. Turnirning ilk mezboni Amerika Qo‘shma Shtatlari bo‘ladi.
Maʼlumot uchun, ushbu turnirda 32 ta jamoa 8 ta guruhga bo‘linadi. Bir mamlakat jamoalari guruhda o‘zaro to‘qnash kelmaydi.
Musobaqa 2025 yil 15 iyundan 13 iyulgacha AQShda bo‘lib o‘tadi.
Izoh (0)