“Spartak” va “Ural” klublari sobiq yarim himoyachisi Oston O‘runovga “Navbahor” jamoasi qiziqish bildirmoqda.
Metaratings xabariga ko‘ra, O‘runov “Navbahor”ning chempionatda egallaydigan o‘rniga qarab so‘nggi qarorni qabul qiladi. Agarda “Navbahor” Osiyo Chempionlar Ligasi yo‘llanmasini qo‘lga kiritsa, O‘runov Namangan jamoasiga o‘tishga rozi bo‘ladi.
Superliga yakunlanishiga 3 ta tur qoldi, “lochinlar” 44 ochko bilan 3-o‘rinni egallab turibdi. Musobaqa yetakchisi “Nasaf”dan 2 ochko ortda qolmoqda.
“Navbahor” O‘zbekiston Kubogi finalidagi g‘alaba orqali ham OCHL yo‘llanmasini naqd qilishi mumkin. Buning uchun jamoa “Nasaf”ni yengishiga to‘g‘ri keladi.
Eslatib o‘tamiz, Oston “Paxtakor” tarbiyalanuvchisi hisoblanadi. O‘zbekistonlik futbolchi Rossiyaning “Spartak”, “Ufa” va “Ural” jamoalari sharafini himoya qilgan. 21 yoshli futbolchi 2017–2018-yillar va 2019-yilda “Navbahor” jamoasida to‘p surgan.
Mavzuga doir:
Izoh (0)