O‘tgan 2024-yil rasman “ajralishlar yili” deb e’lon qilindi. Gollivudda bunday shov-shuvli ajralishlarga ko‘pdan beri guvoh bo‘linmagandi va bu “ajralishlar to‘lqini”ning sababi hozircha noma’lum.
Megan Foks va Machine Gun Kelly
Eng yorqin yulduz juftliklardan biri — aktrisa Megan Foks va rok musiqachi Machine Gun Kelly — yil oxirigacha ajralishlarini e’lon qilishdi. Ajrim sababi xiyonat: Foks tasodifan yigitining telefonida boshqa ayollar bilan yozishmalarini ko‘rib qoladi va uning umuman o‘zgarmaganini tushunadi. Shuni ta’kidlash kerakki, mashhurlarning munosabatlari har doim beqaror bo‘lgan: tezda yarashib, tezda ajralishardi. Ajralishlarning tashabbuskori odatda Foks bo‘lar edi, chunki u musiqachining ko‘plab qaramliklariga va hissiy beqarorligiga ko‘nikishi qiyin.
Zoi Kravits va Chenning Tatum
Zoya Kravits va Chenning Tatumning ajralishi to‘satdan Tatum bosh rolni o‘ynagan “Belgi ber” debyut filmi bilan bir vaqtga to‘g‘ri keldi. Mish-mishlarga ko‘ra, muammolar filmning press-tur paytida boshlangan — hamkorlikdagi bu ish yulduzlar juftligining o‘zaro munosabatlariga yomon ta’sir qilgan. Oxir-oqibat Zoi va Chenning qarama-qarshi qutblarda ekanliklarini va munosabatlardan mutlaqo boshqa narsalarni xohlashlarini tushunishdi. “Tur tugagandan so‘ng, hammasi chipakka chiqdi”, degan juftlikka yaqin bo‘lgan anonim manba. Mashhurlar 2021-yilning yozida munosabat o‘rnatishni boshlagan, ularning sevgi tarixi ko‘p vaqt davomida o‘ta shaxsiy bo‘lgan. 2023-yil oktyabrda paparatssilar Zoyaning nomsiz barmog‘ida unashtiruv uzugini payqashgan, biroq to‘y sanasi hali belgilanmagandi.
Jennifer Lopes va Ben Afflek
2024-yil fevral oyida OAVda “Bennifer” munosabatlarida keskin o‘zgarish bo‘lgani haqida dastlabki mish-mishlar tarqaldi: aktyorlar qizil gilamda birga chiqmay qo‘yishdi, paparatssilar obyektivlariga ham tushishmadi. Yozda Afflek xotinining uyidagi narsalarini sekin-asta olib keta boshladi. Manbalarga ko‘ra, aktyor “Jennifer Garner bilan nikohidan tug‘ilgan bolalariga va ishiga e’tibor qaratishga qaror qilgan”. Avgustda juftlik ajrashish arizasini topshirdi — ularning nikoh shartnomasi bo‘lmasa-da, Ben va Jen mol-mulkni bo‘lishdan voz kechdi. So‘nggi intervyularga qaraganda, bir-biridan uzoqda bo‘lgan mashhurlar o‘zlarini ajoyib his qilishmoqda va sira ham zerikishmayapti.
Ostin Batler va Kayya Gerber
2025-yil boshida yana bir mashhur juftlik — Ostin Batler va Kay Gerberning ajralishi haqida ma’lum bo‘ldi. “Elvis” filmi yulduzi va mashhur model Sindi Kroufordning qizi 2021-yil oxirida yoga mashg‘ulotlarida tanishgan. Keyinchalik ularni tez-tez birga ko‘rishardi. 2022-yil bahorida mashhurlar birinchi marta Met Gala tadbirida juftlik sifatida paydo bo‘lishdi. 2023-yilda Batler Gerberlar oilasi davrasida tez-tez ko‘rinish bera boshladi, ammo unashtirishdan hamon darak yo‘q edi. O‘tgan 2024-yilni ham juftlik hech qanday shov-shuvli xabarlarsiz kutib olishdi — sevishganlar vaqtni bir-birlarining yaqinlari davrasida o‘tkazishni afzal ko‘rishdi. Dekabr oyida aktyor hammani hayratda qoldirib, Kaya bilan Meksikaga bormadi — ko‘pchilik buni yomon alomat sifatida qabul qildi va ular haq edi. Juftlik chindan ham ajrashdi.
Jessika Alba va Kash Uorren
Jessika Alba ham turmush o‘rtog‘i Kesh Uorren bilan 17 yillik nikohidan so‘ng ajrashmoqda. Aktrisa o‘z qarori haqida ijtimoiy tarmoqlarda ma’lum qildi.
“Endi yangi bosqichni boshlash vaqti keldi, lekin alohida. Biz bir-birimizga muhabbat, iliqlik va hurmat bilan oldinga intilamiz. Biz abadiy oila bo‘lib qolamiz. Bolalar tarbiyasi va kelajagi bizning ustuvor vazifamiz bo‘lib qoladi, deb yozgan Alba.
Ajralish haqidagi mish-mishlar yanvar oyining boshlaridayoq paydo bo‘lgandi: er-xotin birga ko‘rinmay, nikoh uzuklarini taqmay qo‘yishgan. Bundan tashqari, Alba “Aka-uka Mazeratilar” filmini suratga olish maydonchasida tanishgan prodyuser Andrea Iyervolino bilan tez-tez vaqt o‘tkazmoqda.
Izoh (0)