“Uyda yolg‘iz” filmi 1990-yilda Kris Kolambus tomonidan suratga olingan. 18 million dollarlik byudjetga ega, Rojdestvoda unutilgan bola haqidagi film deyarli 480 million dollar daromad keltiradi, bu esa uni butun kino tarixidagi eng muvaffaqiyatli komediyalardan biriga aylantiradi. Shuningdek, “Uyda yolg‘iz” filmi “Oltin globus” mukofotiga ikkita nominatsiyaga sazovor bo‘ladi — “Eng yaxshi film” va “Eng yaxshi erkak roli”. Ushbu komediyani 30 yildan buyon butun dunyoda tomosha qilishadi.
Makoley Kalkin
- Qahramon: Kevin Makkallister, uyda unutilgan bola
- “Uyda yolg‘iz” filmini suratga olish paytida u 9 yoshda edi
- Hozir 44 yoshda
-7kqqs6UA.jpg)
Makoley Kalkin “Uyda yolg‘iz” filmida uyda unutib qoldirilgan bola rolini ijro etgan, hozirda u 44 yoshda. O‘sha paytda yosh Kalkin roli uchun “Oltin globus” sovrinini qo‘lga kiritgan, 100 ming dollar gonorar olgan va butun dunyo bo‘ylab tomoshabinlar mehrini qozongan.
Makoley Kalkin kinematografiyada besh yoshida — “Yarim tunda” filmida debyut qilgan. Bir yil o‘tib, Kalkin bilan “Bak amaki” filmida ishlagan Jon Hyuz rejissyor Kris Kolambusga “Uyda yolg‘iz” filmidagi bosh rolga Kalkinni taklif qilgan, lekin u avval yuzlab bolalarni kastingdan o‘tkazishni afzal ko‘rgan. Oxir-oqibat Hyuz tomonidan taklif qilingan nomzod eng mosi deb topilgan.
“Uyda yolg‘iz 2” filmi uchun esa Kalkinning gonorari 4,5 million dollar bo‘lgan, bu uni tarixdagi eng yuqori haq olgan bolalar aktyoriga aylantiradi. “Boyvachcha Richi” filmida suratga tushish uchun esa ikki barobar ko‘proq pul to‘lanadi, ammo bu sarmoya o‘zini oqlamaydi: tanqidchilar filmni juda yomon baholaydi.
Kalkin ishtirok etgan keyingi loyihalar ham muvaffaqiyatli bo‘lmaydi. Aktyorning karyerasiga salbiy ta’sir qilgan holat shundaki, uning otasi o‘g‘liga millionlab haq to‘lashni talab qilib, boshqa farzandlarini ham kinematografiya sanoatiga qo‘shishga harakat qilgan (Makoleyning kichik ukasi, Kiran Kalkin hozirda “Merosxo‘rlar” va “Fargo” kabi mashhur seriallarda suratga tushmoqda). Aktyorning ota-onasi ajrashgach, Kalkin ijodiy tanaffus olishga qaror qiladi. 2000-yillargacha u faqat Sonic Youth rok guruhining videoklipida kichik rol o‘ynaydi.
2004-yilda 24 yoshli yulduz narkotik moddalar saqlagani uchun qo‘lga olingan. Shundan keyin u asosan dublyaj va reklama bilan shug‘ullanadi, shuningdek, televideniye orqali mehmon sifatida, o‘zini o‘ynab, ko‘plab dasturlarda qatnashadi.
Makoley Kalkin sahnaga faqat 2020-yilda qaytdi, “Amerikancha dahshatli hikoyalar” seriali ijodkorlari uni epizodik rol o‘ynashga ko‘ndirishadi. Gucci brendining ijodiy direktori Alessandro Mikel esa yulduzni Gollivuddagi ko‘rgazmasiga taklif qilib, rekord miqdorda ommaviy axborot vositalari va ijtimoiy tarmoqlarda e’lonlar oladi. Hozirda Kalkin “Fallout” serialida “telba daho” rolini ijro etmoqda.
Aktyor “Tailanddagi kunlar” filmini suratga olishda tanishgan aktrisa Brenda Song bilan turmush qurgan, hozirda er-xotin ikki nafar o‘g‘lini tarbiyalamoqda — katta o‘g‘lini Dakota deb atashgan, bu nom Makoleyning 2008-yilda YTHda halok bo‘lgan opasining sharafiga qo‘yilgan. Ikkinchi o‘g‘li esa 2023-yilda tug‘ilgan, unga Karson deb ism berishgan.
-WKMoMxfh.jpg)
2023-yil dekabr oyida Makoley Kalkin Gollivuddagi Shon-sharaf xiyobonida o‘z yulduziga ega bo‘ldi. Marosimda Kevin MakKalisterning onasi rolini o‘ynagan Ketrin O‘Hara, aktyorning rafiqasi va o‘g‘illari ishtirok etdi.
-eqMR9qFn.jpg)
Jo Peshi
- Qahramon: o‘g‘ri Garri Laym
- “Uyda yolg‘iz” filmini suratga olish vaqtida 47 yoshda edi
- Hozir 81 yoshda
-htmu6823.jpg)
Jo Peshi “Uyda yolg‘iz” filmidan ancha avval Gollivud yulduzi maqomida edi. U “Quturgan buqa”, “Bir paytlar Amerikada” va “Yaxshi yigitlar” kabi filmlarda rol ijro etgandi. So‘nggi filmda ishtiroki uchun u hatto “Eng yaxshi ikkinchi darajali erkak roli” nominatsiyasida “Oskar” mukofotiga sazovor bo‘lgan, biroq Jon Hyuz va Kris Kolambusning Yangi yil franshizasi unga jahon miqyosida mashhurlik keltirdi.
Shundan so‘ng, Peshi yana Martin Skorseze bilan hamkorlikda ishlashga qaytib, 1995-yilda “Kazino” filmida suratga tushdi. 1990-yillarning oxirida Peshi musiqa bilan shug‘ullanish uchun aktyorlik faoliyatini vaqtincha to‘xtatdi: u “Vinsent La Guardiya Gambini faqat sen uchun kuylamoqda” nomli hazil-mutoyibaga boy jazz albomini yozdi va uni “Amakivachcham Vinni” filmidagi o‘z qahramoni sharafiga atadi.
U ekranga faqat 11 yildan so‘ng, 2010-yildagi “Sevgi ranchosi” filmidagi bosh roli bilan qaytdi. Filmda aktyorning partnyori “Qirolicha” filmi yulduzi Helen Mirren bo‘ldi. 2019-yilda aktyor Martin Skorseze va Robert De Niro undan 50 martadan ko‘proq iltimos qilganidan keyin “Irlandiyalik” filmiga qo‘shildi.
2025-yil fevral oyida aktyor 82 yoshga to‘ladi, hozirda ham suratga tushishni davom ettirmoqda. Aktyorning Klaudiya Haro ismli sobiq turmush o‘rtog‘idan 1992-yilda tug‘ilgan qizi Tiffani bor.
Daniel Stern
- Qahramon: o‘g‘ri Marvin Merchants
- “Uyda yolg‘iz” filmini suratga olish vaqtida 33 yoshda edi
- Hozir 67 yoshda
-5RP9Eiiy.jpg)
Deniel Stern ham “Uyda yolg‘iz” filmida suratga tushgunga qadar o‘zining nafaqat kinodagi, balki Brodveydagi teatr sahnalaridagi komediya rollari bilan tanilgandi. Bundan tashqari, u multfilmlarga ovoz berish, ssenariylar yozish va rejissyorlik qilish tajribasiga ham ega — Daniel Stern “Ajoyib yillar” va “Manhetten” seriallarining bir necha qismlarini, “Haqiqiy yovvoyilar” mini-serialini hamda “Yilning yangi o‘yinchisi” nomli beysbol haqidagi komediyani suratga olgan. Uning so‘nggi aktyorlik ishlari orasida “Saltanat” va “Butun insoniyat uchun” seriallari bor, ammo bularning hech biri Sternni 1990-yillardagi shuhratiga yaqinlashtira olmadi.
2024-yilda aktyor “Yolg‘iz va uyda” nomli xotiralarini nashr etdi. Unda u Gollivuddagi karyerasining yutuq va mag‘lubiyatlari, shuningdek, kamera ortidagi hayoti haqida so‘z yuritadi. U sahnadan tashqarida disleksiya (o‘qish ko‘nikmalariga bog‘liq buzilish) bilan kurashgani, haykaltarosh, chorvador va fermer sifatida o‘zini sinab ko‘rgani haqida ham hikoya qiladi. Ijtimoiy tarmoqlarda Stern tez-tez o‘z hikoyalari, suratlari va videolarini ulashib turadi.
-7MSM3s2D.jpg)
1980-yildan hozirgi kungacha u aktrisa Lor Mattos bilan turmush qurgan, er-xotinning uchta farzandi bor.
Ketrin O‘Hara
- Qahramon: Keyt Makkallister, Kevinning onasi
- “Uyda yolg‘iz” filmini suratga olish paytida 36 yoshda edi
- Hozir 70 yoshda
-glq7Chtk.jpg)
Kanadalik aktrisa Ketrin O‘Hara mashhur oilaviy komediyada qatnashguniga qadar allaqachon o‘nlab loyihalarda, jumladan, Martin Skorsezening “Ishdan so‘ng”, Tim Byortonning “Bitljus” va Maykl Nikolsning “Hasad” filmlarida rol o‘ynagandi. Unga olamshumul mashhurlik keltirgan Kevin Makkallisterning onasi rolidan so‘ng, O‘Hara nafaqat faol filmga tushishni davom ettirdi, balki o‘zini yangi yo‘nalishlarda ham sinab ko‘rdi — masalan, ssenariynavis, rejissyor va dublyaj aktrisasi (“Jo‘ja Sipa”, “O‘rmon birodarligi”, “Parijdagi maxluq”, “Frankenvinlar” va “Addamslar oilasi” multfilmlari qahramonlariga ovoz bergan).
2017-yilda O‘Hara Kanada ordeni ofitseri unvoniga sazovor bo‘ldi. 2021-yilda u “Shitts Krik” serialidagi roli uchun o‘zining birinchi “Oltin globus” mukofotini, shuningdek Aktyorlar gildiyasi mukofoti va “Emmi”ni qo‘lga kiritdi. “Uyda yolg‘iz” filmidagi o‘g‘li Makoley Kalkin esa uni hamon “oyijon” deb ataydi.
Aktrisa hozirgi kunda ham kinoda faol suratga tushib kelmoqda.
Devin Retrey
- Qahramon: Bazz Makkalister, bosh qahramonning akasi
- “Uyda yolg‘iz” filmini suratga olish paytida u 13 yoshda edi
- Hozir 47 yoshda
-5aw_NfB4.jpg)
Aktyorlar oilasida tug‘ilgan (Piter Retrey va Enn Uillisning o‘g‘li) Retrey bolaligidan kinoda rol o‘ynay boshlagan. U 1990-yillarning boshlarida Makoley Kalkinning akasi Bazz Makkalister rolini o‘ynaganida mashhurlikka erishdi. U “Uyda yolg‘iz” filmining dastlabki ikkita filmida Bazz rolini o‘ynagan, keyin esa xuddi shu nomdagi 2021-yilgi remeykda ishtirok etgan.
Retrey 2021-yilda ikkinchi marta mashhurlikka erishdi, o‘shanda aktyor uydagi zo‘ravonlik va kaltaklashda ayblanib, hibsga olingan. Uning sobiq ma’shuqasi Retrey mast holda Hayatt mehmonxonasining xonasida unga tashlanib, kaltaklaganini va bo‘g‘ganini aytadi. Jabrlanuvchi o‘zini himoya qilish doirasida erkakning qo‘lini tishlab, xonadan qochishga muvaffaq bo‘lgan. Keyinroq u politsiyaga murojaat qiladi.
Avvaliga aktyor aybini rad etgan, ammo keyinchalik tan olgan. Ikki yildan ortiq davom etgan ish bo‘yicha majlis Oklahoma shtati sudlaridan birida bo‘lib o‘tadi. Natijada Retrey uch yillik sinov muddatiga hukm qilinadi. Shuningdek, uni zo‘ravonlikda ayblanganlar uchun maxsus kursdan o‘tish va alkogol hamda giyohvand moddalarni iste’mol qilish uchun test topshirishga majbur qilishadi.
Jon Hyord
- Qahramon: Piter Makkallister, Kevinning otasi
- “Uyda yolg‘iz” filmini suratga olish paytida 44 yoshda edi
- 2017-yilda 71 yoshida vafot etgan
-EUzPa1Vm.jpg)
Jon Hyord 1970-yillarda kinoda debyut qilgan, shuning uchun “Uyda yolg‘iz” filmini suratga olish paytida u allaqachon yaxshi rollarni ijro etgandi. Xususan, u Peshi va O‘Hara bilan “Ishdan so‘ng” filmida Skorseze bilan birga ishlagan, shuningdek, Tom Henks bilan “Katta” komediyasida va “Qonun va tartib” teleserialida o‘ynagan. Ko‘pincha Hyord seriallarda rol o‘ynagan: uning asarlari orasida “Soprano urug‘i”, “Mayami jinoyat joyi”, “Qochish” va “Go‘zallar” bor. U “Soprano urug‘i” (1999) teleserialidagi korrupsioner politsiya detektivi roli uchun “Emmi” mukofotiga nomzod bo‘lgan.
Umuman olganda, aktyor filmografiyasida 180 ta rol bor, ularning eng oxirgisi 2017-yilda ijro etilgan. Iyul oyida Hyord Kaliforniyadagi mehmonxonadan o‘lik holda topilgan, u yurak to‘xtab qolishidan vafot etadi. Hyord 3 nafar farzandning otasi edi.
Izoh (0)