OCHL 2 musobaqasiga qur’a tashlandi. “Andijon”ga Qatar, Bahrayn va Turkmaniston klublari raqiblik qiladi

Osiyo Chempionlar Ligasi 2 musobaqasi uchun qur’a tashlash marosimi Kuala-Lumpurdagi Osiyo futbol konfederatsiyasi qarorgohida bo‘lib o‘tdi.

Qur’a natijalariga ko‘ra, O‘zbekiston vakili “Andijon” klubi B guruhidan joy oldi. U ushbu guruhda Qatarning “Al-Ahli”, Turkmanistonning “Arqadag‘” va Bahraynning “Al-Haldiya” klublari bilan kuch sinashadi.

Shuningdek, O‘zbekistonlik futbolchilar — Jaloliddin Masharipov va Rustam Ashurmatov to‘p suradigan Eronning “Istiqlol” klubi A guruhidan joy oldi. Ularning raqiblari sifatida BAAning “Al-Vasl”, Bahraynning “Al-Muharraq” va Iordaniyaning “Al-Vehdat” klublari belgilandi.

Krishtianu Ronaldu boshchiligidagi Saudiya Arabistonining “An-Nassr” klubi D guruhidan o‘rin oldi. Musobaqada riyodliklarga Tojikistonning “Istiqlol”, Iroqning “Al-Zavra” hamda Hindistonning “Goa” jamoalari raqiblik qiladi. 

G‘arbiy mintaqa

A guruhi

• “Al-Vasl” (BAA)
• “Istiqlol” (Eron)
• “Al-Muharraq” (Bahrayn)
• “Al-Vehdat” (Iordaniya)

B guruhi

• “Al-Ahli” (Qatar)
• “Andijon” (O‘zbekiston)
• “Arqadag” (Turkmaniston)
• “Al-Haldiya” (Bahrayn)

C guruhi

• “Fulad” (Eron)
• “Al-Husseyn” (Iordaniya)
• “Mohun Bagan” (Hindiston)
• “Ahal” (Turkmaniston)

D guruhi

• “An-Nassr” (Saudiya Arabistoni)
• “Al-Zavra” (Iroq)
• “Istiqlol” (Tojikiston)
• “Goa” (Hindiston)

Sharqiy mintaqa

E guruhi

• “Pekin Goan” (Xitoy)
• “Makartur” (Avstraliya)
• “Tay Po” (Gonkong)
• “KAHN” (Vyetnam)

F guruhi

• “Gamba Osaka” (Yaponiya)
• “Namdin” (Vyetnam)
• “Ratchaburi” (Tailand)
• “Istern” (Gonkong)

G guruhi

• “Bangkok” (Tailand)
• “Selangor” (Malayziya)
• “Lion Siti” (Singapur)
• “Persib Bandung” (Indoneziya)

H guruhi

• “Pohan Stilers” (Janubiy Koreya)
• “Patum Yunayted” (Tailand)
• “Kaya” (Filippin)
• “Tampins” (Malayziya)

Foto: OFK

Ma’lumot uchun, Osiyo Chempionlar Ligasi 2 musobaqasining 1-tur uchrashuvlari 16-17-sentyabr kunlari bo‘lib o‘tadi.