Vodeoo‘yinlar asosida filmlar suratga olish — tavakkal qilish bilan teng. Hatto katta muxlislar bazasi mavjud bo‘lsa ham, kassada yetarli daromad keltirishini kafolatlamaydi. Bundan tashqari, tanqid qilinish xavfi ham bir necha barobar ortadi. Ba’zi kinoijodkorlar sifatli moslashuvni suratga olish uchun mahoratga ega emas, ba’zilari esa hech kim kutmagan joyda muvaffaqiyatga erishadi.
“Ancharted: Xaritada ko‘rsatilmagan”, 2022-yil
Uncharted o‘yiniga asoslangan
Film prokatga chiqqunga qadar o‘yin muxlislari bosh rollarga qanday aktyorlar tanlanganidan biroz xavotirda edilar. Ular Tom Xolland Natan Dreykni, Mark Uolberg esa Viktor Sallivanni o‘ynashidan hafsalasi pir bo‘ldi. Ikkalasi ham o‘yin qahramonlaridan ancha yosh ko‘rinadi. Kassadan tushgan daromadga qaramay, film muvaffaqiyat qozonolmadi. Yaxshi aktyorlik ijrosi, shuningdek, bir nechta ta’sirli sahnalar bo‘lishiga qaramay, lekin ssenariy xom va yomon yozilgan edi.
“Mortal Kombat”, 2021-yil
Mortal Kombat o‘yiniga asoslangan
Bu o‘yinni katta ekranga moslashtirishning uchinchi urinishi. U avvalgilaridan yaxshiroq chiqdi, lekin unda ham yetishmayotgan jihatlar mavjud.
Film yovuz kuchlar bilan yuzma-yuz kelib, ularga qarshi kurashayotgan Koul Yang haqida hikoya qiladi. Yaxshi sahnalashtirilgan oddiy jangari film. Mortal Kombat bu — syujeti chuqur ishlab chiqilmagan, yakkama-yakka janglarga e’tibor qaratilgan o‘yin. Film aynan shu yo‘nalishni taklif etadi.
Gran Turizmo, 2023-yil
Gran Turismo o‘yiniga asoslangan
Bu haqiqiy poygachi rolini o‘ynash uchun poyga simulyatorida boshqa iqtidorli o‘yinchilarga qo‘shilgan yigit haqidagi hikoyadir. Syujet qiziqarli, aktyorlik ijrosi ajoyib, rejissyura ham o‘z joyida.
Film aniq nusxa emas, aynan adaptatsiya hisoblanadi. Ya’ni u voqealar xronologiyasini o‘zgartiradi va syujetni o‘zining voqealar haqidagi tasavvuriga moslab aylantiradi. Shunga qaramasdan, birlamchi manbaning o‘ziga xos xususiyatlari ko‘zga tashlanib, uyg‘unlashadi.
“Sonik kinoda”, 2020-yil
Sonic the Hedgehog o‘yiniga asoslangan
Ekranga chiqishdan oldin film ijodkorlari Sonikning dizayni tufayli jiddiy tanqidlarga duch kelishdi. Shuni e’tirof etish kerakki, ular o‘yin muxlislarining fikrlariga quloq solib, bosh qahramonning tashqi qiyofasini qayta ko‘rib chiqishdi, uni yanada ishonarliroq qilishdi.
Umuman olganda, moslashuv yomon bo‘lmadi, u hatto Marvel rekordlarini yangilab, 2020-yilning eng yuqori daromad keltirgan superqahramon filmiga aylandi.
“Pokemon. Detektiv Pikachu”, 2019-yil
Detective Pikachu o‘yiniga asoslangan
Filmning boshida tomoshabinga qahramonlar bilan birgalikda aniqlanishi kerak bo‘lgan sirga ega bo‘lgan haqiqatan ham qiziqarli syujetga sho‘ng‘ishga imkon beriladi. Shuningdek, o‘yinlarda kam o‘rganilgan Pokemon olamining boshqa jihatlarini ko‘rish mumkin.
Ammo filmning ikkinchi yarmidan boshlab ham syujet, ham grafik xatolar sezila boshlaydi. Ko‘pchilik Pokemonlarning kino formatidagi moslashuvini yoqtirmadi, chunki ko‘plab sahnalar ishonarli chiqmagan.
“Yovuzlik makoni: Rakkun-Siti”, 2021-yil
Resident Evil va Resident Evil 2 o‘yinlariga asoslangan
Bu birinchi va ikkinchi o‘yinlarning moslashuvi hisoblanadi. Syujetda odamlarni qonxo‘r zombilarga aylantirgan epidemiya avj olishi tasvirlanadi. E’tiborni tortadigan va hayratga soladigan birinchi narsa — noto‘g‘ri tanlangan aktyorlar jamoasi. Shuningdek, ssenariy yomon yozilgan, shuning uchun syujet muvaffaqiyatsiz chiqdi.
“Maxluqlar ovchisi”, 2020
Monster Hunter o‘yiniga asoslangan
O‘yinlarning kino moslashuvi ko‘pincha o‘zini oqlamaydi, mana yana ushbu fikrga misol. Film karantinda — deyarli barcha filmlarning omadi yurishmagan paytda chiqdi va hatto 60 million dollarlik kamtarona byudjetni ham qoplolmay kassada muvaffaqiyatsizlikka uchradi.
Konsepsiya a’lo darajada edi, o‘yinlarda juda sodiq muxlislar bazasi bor edi, ammo hatto bu sodiqlik ham filmning barcha xatolarini kechirish uchun yetarli emas edi.
“Sag‘ana o‘g‘risi”: Lara Kroft, 2018-yil
Tomb Raider o‘yiniga asoslangan
E’tirof etish kerak bo‘lgan birinchi narsa — tomoshabin filmni ishlab chiqarish uchun sarflangan katta byudjetni ekranda aniq ko‘rishi mumkin. Filmda grafika ham, ekshn-kadrlarni sahnalashtirish ham, dekoratsiyalar va liboslar ham byudjetni oqlagan .
Film asosini tashkil etgan Lara Kroft va uning otasi o‘rtasidagi munosabatlar ham ta’sirli chiqqan. Bosh qahramon timsolida esa aynan uning irodaviy xarakteriga urg‘u beriladi.
Izoh (0)