Ўтган 2024 йил расман “ажралишлар йили” деб эълон қилинди. Голливудда бундай шов-шувли ажралишларга кўпдан бери гувоҳ бўлинмаганди ва бу “ажралишлар тўлқини”нинг сабаби ҳозирча номаълум.
Меган Фокс ва Мачине Гун Келлй
Энг ёрқин юлдуз жуфтликлардан бири — актриса Меган Фокс ва рок мусиқачи Мачине Гун Келлй — йил охиригача ажралишларини эълон қилишди. Ажрим сабаби хиёнат: Фокс тасодифан йигитининг телефонида бошқа аёллар билан ёзишмаларини кўриб қолади ва унинг умуман ўзгармаганини тушунади. Шуни таъкидлаш керакки, машҳурларнинг муносабатлари ҳар доим беқарор бўлган: тезда ярашиб, тезда ажралишарди. Ажралишларнинг ташаббускори одатда Фокс бўлар эди, чунки у мусиқачининг кўплаб қарамликларига ва ҳиссий беқарорлигига кўникиши қийин.
Зои Кравиц ва Ченнинг Татум
Зоя Кравиц ва Ченнинг Татумнинг ажралиши тўсатдан Татум бош ролни ўйнаган “Белги бер” дебют фильми билан бир вақтга тўғри келди. Миш-мишларга кўра, муаммолар фильмнинг пресс-тур пайтида бошланган — ҳамкорликдаги бу иш юлдузлар жуфтлигининг ўзаро муносабатларига ёмон таъсир қилган. Охир-оқибат Зои ва Ченнинг қарама-қарши қутбларда эканликларини ва муносабатлардан мутлақо бошқа нарсаларни хоҳлашларини тушунишди. “Тур тугагандан сўнг, ҳаммаси чипакка чиқди”, деган жуфтликка яқин бўлган аноним манба. Машҳурлар 2021 йилнинг ёзида муносабат ўрнатишни бошлаган, уларнинг севги тарихи кўп вақт давомида ўта шахсий бўлган. 2023 йил октябрда папарацсилар Зоянинг номсиз бармоғида унаштирув узугини пайқашган, бироқ тўй санаси ҳали белгиланмаганди.
Женнифер Лопес ва Бен Аффлек
2024 йил февраль ойида ОАВда “Беннифер” муносабатларида кескин ўзгариш бўлгани ҳақида дастлабки миш-мишлар тарқалди: актёрлар қизил гиламда бирга чиқмай қўйишди, папарацсилар объективларига ҳам тушишмади. Ёзда Аффлек хотинининг уйидаги нарсаларини секин-аста олиб кета бошлади. Манбаларга кўра, актёр “Женнифер Гарнер билан никоҳидан туғилган болаларига ва ишига эътибор қаратишга қарор қилган”. Августда жуфтлик ажрашиш аризасини топширди — уларнинг никоҳ шартномаси бўлмаса-да, Бен ва Жен мол-мулкни бўлишдан воз кечди. Сўнгги интервьюларга қараганда, бир-биридан узоқда бўлган машҳурлар ўзларини ажойиб ҳис қилишмоқда ва сира ҳам зерикишмаяпти.
Остин Батлер ва Кайя Гербер
2025 йил бошида яна бир машҳур жуфтлик — Остин Батлер ва Кай Гербернинг ажралиши ҳақида маълум бўлди. “Элвис” фильми юлдузи ва машҳур модел Синди Кроуфорднинг қизи 2021 йил охирида ёга машғулотларида танишган. Кейинчалик уларни тез-тез бирга кўришарди. 2022 йил баҳорида машҳурлар биринчи марта Мет Гала тадбирида жуфтлик сифатида пайдо бўлишди. 2023 йилда Батлер Герберлар оиласи даврасида тез-тез кўриниш бера бошлади, аммо унаштиришдан ҳамон дарак йўқ эди. Ўтган 2024 йилни ҳам жуфтлик ҳеч қандай шов-шувли хабарларсиз кутиб олишди — севишганлар вақтни бир-бирларининг яқинлари даврасида ўтказишни афзал кўришди. Декабрь ойида актёр ҳаммани ҳайратда қолдириб, Кая билан Мексикага бормади — кўпчилик буни ёмон аломат сифатида қабул қилди ва улар ҳақ эди. Жуфтлик чиндан ҳам ажрашди.
Жессика Альба ва Каш Уоррен
Жессика Альба ҳам турмуш ўртоғи Кеш Уоррен билан 17 йиллик никоҳидан сўнг ажрашмоқда. Актриса ўз қарори ҳақида ижтимоий тармоқларда маълум қилди.
“Энди янги босқични бошлаш вақти келди, лекин алоҳида. Биз бир-биримизга муҳаббат, илиқлик ва ҳурмат билан олдинга интиламиз. Биз абадий оила бўлиб қоламиз. Болалар тарбияси ва келажаги бизнинг устувор вазифамиз бўлиб қолади, деб ёзган Альба.
Ажралиш ҳақидаги миш-мишлар январь ойининг бошларидаёқ пайдо бўлганди: эр-хотин бирга кўринмай, никоҳ узукларини тақмай қўйишган. Бундан ташқари, Альба “Ака-ука Maзератилар” фильмини суратга олиш майдончасида танишган продюсер Андреа Иерволино билан тез-тез вақт ўтказмоқда.
Изоҳ (0)