2024-yilda eng ko‘p daromad keltirgan filmlar top 15 taligi

Mazkur filmlar tomoshabinlar qalbidan joy olishi bilan bir qatorda, kino ijodkorlarga ham mo‘maygina daromad olib kelgan.

“Bo‘ron 2” — 371 million dollar

“Bo‘ron 2” 1996-yilgi original filmning sikveli bo‘lishiga qaramay, syujet nuqtayi nazaridan ular o‘rtasida umumiylik kam. Film bir vaqtlar deyarli butun guruhini yo‘qotgan, ammo taslim bo‘lmagan va bo‘ronlarni o‘rganishni davom ettirgan Keyt ismli qiz haqida.

“Maymunlar sayyorasi: yangi qirollik” — 397 million dollar

Film voqealari maymunlarni qutqarib, ularga xavfsiz joy topgan Sezar ketganidan keyin bir necha avlod o‘tgach sodir bo‘ladi. Odamlar tur sifatida deyarli yo‘q bo‘lib ketadi, omon qolganlari yovvoyilashadi — ularning o‘rnini bir vaqtlar odamlar butun sayyorada hukmronlik qilganini bilmaydigan maymunlar egallaydi. “Maymunlar sayyorasi: yangi qirollik” filmi xronologiyasi jihatidan 1967-yilda chiqarilgan original filmga juda yaqin.

“Uddaburon yigitlar 4” — 404 million dollar

“Uddaburon yigitlar 4”  — Uill Smit va Martin Lourens ishtirokidagi filmlar seriyasining uchinchi davomi. To‘rtinchi qismda qahramonlar to‘rt yil oldingi jiddiy muammolarga duch keladi.

Film tanqidga uchragan va bor-yo‘g‘i 404 million dollar yig‘gan bo‘lsa-da, bu katta Gollivud yulduzlari ishtirokidagi jangovar film uchun nisbatan past ko‘rsatkich.

“Gladiator 2” — 438 million dollar

Maksimus va Kommod o‘rtasidagi jangdan 16 yil o‘tgach, Rim egizak imperatorlar Geta va Karakalla hukmronligi ostida tartibsizlik ichida qoladi, ularning har bir harakati xalqni tobora ko‘proq ularga qarshi qayraydi. Numidiyani zabt etgandan so‘ng, aka-ukalar gladiatorlik janglarini uyushtirishga qaror qilishadi, lekin ular asirga olingan numidiyalik jangchilar orasida ularga qarshilik qilishga qodir bo‘lgan kishi borligini xayollariga ham keltirishmagandi.

“Bitljus Bitljus” — 451 million dollar

Birinchi filmdagi voqealardan 30 yil o‘tib, Lidiya Dits qizi Astrid bilan eski uyiga qaytadi. Ammo Astrid tasodifan Bitljusni chaqiradi va yaqinlarining hayotini xavf ostiga qo‘yadi. “Gladiator 2” singari “Bitljus Bitljus” ham o‘nlab yillar davomida o;ylangan loyihadir. Birinchi filmning muvaffaqiyati jamoani uning davomi haqida o‘ylashga undaydi, ammo ishlar muzokaralardan nariga o‘tmaydi. 2011-yilga kelibgina studiya bu masalaga jiddiy qaray boshladi. Shunda ham suratga olish ishlari 13 yilga cho‘zildi.

“Venom: so‘nggi raqs” — 476 million dollar

Venom va Eddi Brok yovuz odamlar bilan to‘qnashuvlar orasida tinch hayot kechirishga harakat qilishmoqda, ammo ularning o‘zi yomon odamlarga o‘xshaydi, shuning uchun ular yana bir bor ta’qibga uchrashdi, lekin endi bir vaqtning o‘zida ikki tomondan: Eddi harbiylar tomonidan Venom esa simbiotlarni ovlayotgan ksenofaglardan biri sifatida.

“YOLO. Film” — 484 million dollar

Bir necha yil yolg‘iz yashagan Leyin odamlarga qo‘shilishga ahd qiladi, bunda u bir qator muammolarga duch keladi. Ularni hal qilish uchun boks bo‘yicha mashg‘ulotlarga yoziladi, kuchli va mustaqil shaxs ekanligini hammaga isbotlash uchun o‘z ustida qattiq ishlay boshlaydi. Shunga qaramay, “YOLO. Film”ni o‘z janrida yetarlicha mashhur deb bo‘lmaydi.

“Kung-fu panda 4” – 547 million dollar

Po Tinchlik vodiysini boshqarishi kerakligini biladi, lekin buni amalga oshirishdan oldin o‘zining o‘rniga Ajdaho jangchisi bo‘lish uchun voris topishi kerak. Biroq Po voris izlashga ketmoqchi bo‘lganida, uni dahshatli xabar kutib oladi: Tay Lung qaytib kelgan, undan qasos olmoqchi.

“Godzilla va Kong: yangi imperiya” – 571 million dollar

Godzilla va Kong Mexagodzillani yo‘q qilganidan uch yil o‘tadi. Biroq ularning tinchligini sirli va dahshatli narsa buzadi. Godzilla energiya bilan oziqlanadi va odamlar uning jangga tayyorlanayotganini tushunishadi. “Godzilla va Kong: yangi imperiya” bu — avvalgi filmlar kabi oddiy jangovar film.

“Yovuz: G‘arb jodugari haqida ertak” — 651 million dollar

Yashil rangi tufayli jodugar Elfaba har doim masxara qilingan, ammo ko‘pchilikni hayratda qoldirib, mashhur yaxshi jodugar Glindaning eng yaxshi dugonasi bo‘ladi. “Yovuz” Ariana Grandening uzoq kutilgan qaytishi edi. Mashhur qo‘shiqchi “G‘olib Viktoriya” va “Sem and Keyt” teleseriallaridagi rollari bilan tanilgandi.

“Dyuna. Ikkinchi qism” — 714 million dollar

Harkonnen uyi Atreydeslarni deyarli butunlay yo‘q qiladi va deyarli butun sayyora ustidan nazoratni qo‘lga kiritadi. Qolgan to‘siqlardan biri qarshilik ko‘rsatayotgan Fremen xalqidir. Ammo bu Harkonnenlar uchun yagona muammo emas, chunki Pol Atreydes hali ham tirik va u barcha fremenlarni birlashtirib, kuchlarni tenglashtirishga qodir bo‘lgan tanlangan bo‘lishi mumkin.

“Moana 2” — 914 million dollar

Birinchi multfilmdan keyin ham Moananing sarguzashtlari tugamaydi. Bu safar u o‘ziga o‘xshagan odamlarni qidiradi, shuningdek, okean tubida joylashgan uzoq vaqtdan beri yo‘qolgan orolni topishga harakat qiladi. Garchi “Moana 2” asl multfilmdan ko‘proq daromad keltirgan bo‘lsa-da, tomoshabinlar sovuqqina qarshi oldi. Va bu ajablanarli emas, chunki dastlab “Moana 2” animatsion serial bo‘lishi kerak edi, ammo so‘nggi daqiqada u to‘liq metrajli multfilmga aylantirildi.

“Yaxshi bo‘lish osonmi?” — 969 million dollar

Gryu o‘zi kabi yaramas o‘g‘illi bo‘ladi. Lekin uning baxti nafaqat unga, balki uning oilasiga ham tahdid soladigan yangi xavfli dushman paydo bo‘lishi tufayli uzoqqa cho‘zilmaydi. “Yaxshi bo‘lish osonmi?” qariyb bir milliard dollar ishlab topdi va 2024-yilning eng ko‘p daromad keltirgan uchinchi filmiga aylandi, biroq syujet juda zaifligini ta’kidlagan professional tanqidchilar ham, muxlislar ham uni yoqtirmadi.

“Dedpul va Rosamaxa” — 1, 338 milliard dollar

Qasoskorlarga qo‘shilishni rad etgandan so‘ng, Dedpul oddiy ishga kiradi, lekin superqahramon hayotini orzu qiladi. Tez orada uning orzulari amalga oshadi, lekin u xohlagan tarzda emas. Dedpul o‘zining koinoti va u sevgan har bir kishi xavf ostida ekanligini bilib qoladi va faqat ugina falokatni to‘xtata oladi.

“Boshqotirma 2” — 1,699 milliard dollar

13 yoshli Rayli hayotining yangi bosqichiga qadam qo‘yadi va u ilgari hech qachon boshdan kechirmagan his-tuyg‘ularga duch keladi. “Boshqotirma 2” 2024-yilning iyun oyidan beri 1,5 milliard dollardan ortiq daromad keltirgan holda top 15 talikda muvaffaqiyat qozondi. Boshqa rekord darajadagi multfilmlardan farqli o‘laroq, u ijobiy qabul qilindi, lekin ko‘pchilik birinchi qism yaxshiroq ekanini ta’kidlaydi.