Bir necha yil avval bu bolalar jahon kinosining haqiqiy yulduzlari, yoshlarning sevimli kumirlari bo‘lgan.
Makoley Kalkin
“Uyda yolg‘iz” va “Uyda yolg‘iz 2” filmlari bilan mashhur bo‘lgan Makoley Kalkin 11 yoshida “Oltin globus” mukofotiga nomzod bo‘lgan va film eng yuqori daromad keltirgan kartina sifatida Ginnesning rekordlar kitobida birinchi o‘rinni egallagan.
Kalkin bir vaqtlar kinoda suratga tushgani uchun juda katta gonorar olardi. Faqat keyinchalik uning karyerasi pastlay boshladi. Kalkin ishtirokidagi “Otam bilan baravar” va “Boyvachcha Richi” kabi filmlar prokatda muvaffaqiyatsizlikka uchradi. Shunday qilib, Makoleyning mashhurligi so‘ndi.
Keyinchalik Kalkin bir qator jiddiy sinovlarga duch keldi: giyohvandlikka qarshi kurashdan tortib, Mila Kunis bilan ajrashgandan keyin og‘ir kechinmalargacha. Biroq u barcha qiyinchiliklarni yengib o‘tishga muvaffaq bo‘ldi va bugungi kunda ham ijod bilan faol shug‘ullanishda davom etmoqda. Mashhur yulduz “Fallout” serialining yangi mavsumida daho rolini o‘ynaydi. Bundan tashqari, uning baxtli oilasi va farzandi bor.
Jeyk Lloyd
“Yulduzlar jangi” filmida Enakin Skayuolker sifatida tanilgan Jeyk Lloyd butun dunyo bo‘ylab mashhurlikka erishdi, ammo bir vaqtning o‘zida juda ko‘p tanqidlarga uchradi. Bola “Oltin malina” mukofotiga 2 ta nominatsiyaga ega bo‘ldi. Yoshligidan u tengdoshlarining tahqirlashlariga va do‘q-po‘pisalariga bardosh berishga majbur bo‘lgan. Lloyd boshqa sohalarda o‘zini topishga harakat qildi, ammo ruhiy salomatlik muammolari, shu jumladan shizofreniya tashxisi uning hayotini juda qiyinlashtirdi.
Edvard Ferlong
Edvard ijodiy yo‘lini tasodifan boshlagan, kasting-direktor tufayli bolakay kinoga kelib qolgan. Aktyor “Terminator 2: Qiyomat kuni” mashhur filmida rol o‘ynagach, ko‘plab filmlarga takliflarini oladi. “Amerikacha Iks hikoyasi” garchi film kutilganidek chiqmagan bo‘lsa ham Ferlong karyerasida muhim bosqich bo‘ldi.
Biroq alkogol va giyohvand moddalar bilan bog‘liq muammolar Edvardning hayoti va tashqi ko‘rinishiga jiddiy ta’sir ko‘rsatdi, bu esa uning karyerasining tugashiga olib keldi.
Lindsi Loxan
Lindsi Loxan “Ota-onalar uchun tuzoq”, “Yomon qizlar” kabi mashhur filmlardagi rollari tufayli muvaffaqiyatga erishdi.
To‘satdan kelgan shuhratdan so‘ng, Lindsi nafaqat o‘z rollari tufayli, balki giyohvand moddalar va spirtli ichimliklarni suiiste’mol qilish bilan bog‘liq bo‘lgan shov-shuvli shaxsiy hayoti sababli ham diqqat markaziga tushdi. Bu muammolar uning karyerasiga jiddiy ta’sir ko‘rsatdi, biroq yulduz qiyinchiliklarni yengishga muvaffaq bo‘ldi. Bugungi kunda Loxan o‘z qaramliklarini muvaffaqiyatli bartaraf etib, oila qurdi va faol ijodiy faoliyatga qaytdi.
Xeyli Joel Osment
Xeyli Joel Osment, shubhasiz, o‘z avlodining eng mashhur bolalar aktyorlaridan biri edi. “Oltinchi sezgi” filmidagi Koul Sir roli unga olamshumul mashhurlik keltirib, “Oskar” mukofotiga nomzodi qo‘yilishiga sabab bo‘ldi. Biroq erta yoshda erishilgan muvaffaqiyat doim ham uzoq muddatli mashhurlikni kafolatlamaydi.
Filmni suratga olish paytida sodir bo‘lgan avariya uning karyerasiga ta’sir qildi — aktyor mast holda rulga o‘tirgan. Vaqt o‘tishi bilan Osmentga takliflar kamaya boshlaydi, bundan tashqari semirib ketgani sabab bosh rollarni o‘ynashni to‘xtatadi.
Elison Porter
“Qo‘ng‘iroqsoch Syu” filmidagi roli bilan tanilgan Elison Porter ham yosh aktyorlarning odatiy muammosiga duch keldi — u kino sanoatida o‘z o‘rnini mustahkamlay olmadi. Buning o‘rniga u teatrdagi karyerasiga e’tibor qaratdi. Afsuski, o‘smirlik davrida Elison spirtli ichimliklar va giyohvand moddalarni iste’mol qilishni boshladi, ammo qaramlikni faqat yillar o‘tgach yenga oldi. Shundan so‘ng uning kino karyerasi qayta tiklanmadi.
Izoh (0)