Тўғри овқатланиш соғлиқни сақлаш ва организмнинг нормал фаолият юритиши учун муҳим омиллардан биридир. Кундалик рацион жигар, юрак, ошқозон ва бошқа ҳаётий органларнинг ишлашига бевосита таъсир қилади. Аммо, кўпчилик кенг тарқалган маҳсулотларни соғлиққа зарарли тарзда бирлаштириб истеъмол қилмоқда. Бу эса жиддий касалликларнинг ривожланишига сабаб бўлиши мумкин.
Иссиқ кунларда, айниқса байрам кунларида, кўпинча шашлик тайёрланади. Баъзи одамлар эса уни спиртли ичимликлар билан истеъмол қилади. Бироқ бундай комбинация жигар учун жуда катта юк бўлади. Жигар бир вақтнинг ўзида ёғли овқат ва спиртли ичимликни қайта ишлашга мажбур бўлади, бу эса ҳазм қилишни қийинлаштиради. Оқибатда ўнг қовурға остида оғриқ, кўнгил айниши ва оғирлик ҳисси пайдо бўлиши мумкин. Жигарга тушадиган юкни камайтириш учун товуқ ёки мол гўшти каби кам ёғли гўштни танлаш тавсия этилади.
Қандай маҳсулотларни аралаштириш мумкин эмаслигини билмаслик ҳазм қилишда муаммоларга олиб келиши мумкин Масалан, кўплаб мевалар ҳазм бўлиши қийин, агар улар асосий таомлар билан бирга истеъмол қилинса, газ тўпланиши ва метеоризмга (қоринда шиш) олиб келади.
Ўсимлик оқсиллари (масалан, ясмиқ ёки нўхат)ни ҳайвон оқсиллари (гўшт, балиқ) билан аралаштириш керак эмас. Бу ошқозон-ичак тизимига ортиқча юк беради. Аччиқ овқатлар газланган ичимликлар билан бирга истеъмол қилинса, қорин оғриғи ва сурункали ошқозон-ичак касалликларининг кучайишига олиб келиши мумкин.
Қўй гўшти билан сирка ва аччиқ чой комбинацияси овқат ҳазм қилиш учун зарарли. Мол гўшти эса пиёз ёки денгиз маҳсулотлари билан бирга истеъмол қилинмаслиги керак. Бу овқат ҳазм қилиш бузилишига олиб келади. Денгиз маҳсулотларини мевалар, айниқса хурмо ва узум билан эҳтиёткорлик билан истеъмол қилиш лозим, бу қайт қилиш ва диарея (ич кетиши)га олиб келиши мумкин.
Бир таомда пиёз ва саримсоқни бирга ишлатиш ҳам тавсия этилмайди, чунки улар овқат ҳазм қилиш тизимини кучли “тирнаш” хусусиятига эга. Коликлар (қорин бўшлиғидаги спазмлар) ва ичак оғриғига олиб келади.
Баъзи маҳсулот комбинациялари юрак-қон томир тизимига ҳам салбий таъсир кўрсатади. Масалан, шаробни чой билан ичиш, ёки шаробни шафтоли ёки хурмо билан бирга истеъмол қилиш мумкин эмас. Бу ҳолатлар қайт қилиш, бош айланиш ва ҳатто юрак уришининг тезлашувига сабаб бўлиши мумкин.
Пишлоқ ва ловия комбинацияси ҳам салбий таъсир қилади. Бу организмда суюқликнинг ушланишига олиб келиши мумкин. Оқибатда артериал босим ва “ёмон” холестерин даражаси ошади.
Изоҳ (0)