Microsoft технология гиганти СAHAЛ 8200 киберразведка бўлинмасига Ғазо, Яҳудия ва Самариядаги миллионлаб фаластинликларни кузатишда кўмаклашган. Бу ҳақда The Guardian газетаси, 972+ журнали ва "Сиҳа Мекомит" нашрида эълон қилинган қўшма суриштирувда маълум қилинди.
Компания СAHAЛга маълумотларни сақлаш ва эҳтимол таҳлил қилиш учун ўзининг Azure булутли платформасини тақдим этгани айтилмоқда. Жумладан, Azure серверларида фаластинликларнинг телефон суҳбатлари аудиоёзувлари сақланган.
Ҳамкорлик 2021 йил охирида Microsoft бош директори Сатя Наделла Microsoft бош қароргоҳида 8200 кибербўлими раҳбари Ёси Шариэл билан учрашганида бошланган.
“Кибербўлим Microsoft Azure булутли платформасининг махсус созланган ва ажратилган қисмига киришга эҳтиёж сезаётган эди.
Шу асосда 8200 бўлинмаси Ғазо ва Ғарбий қирғоқдаги фаластинликлар томонидан ҳар куни амалга ошириладиган миллионлаб мобил қўнғироқлар ёзувларини тўплайдиган ва сақлайдиган оммавий кузатув тизимини яратишга киришди”, дейилади суриштирувда.
Булутли тизим 2022 йилда ишга тушган ва 8200 бўлинмасига айни пайтга қадар улкан миқдордаги телефон суҳбатларини узоқ вақт давомида сақлаш имконини бермоқда.
Microsoftънинг таъкидлашича, Наделла СAHAЛ Azure серверларида айнан қандай маълумотларни сақлашни режалаштирганини билмаган.
8200 бўлинмасидаги учта манбанинг айтишича, маълумотларни сақлаш ва таҳлил қилишнинг булутли тизимидан, жумладан, Ғазо ва Ғарбий қирғоқдаги ҳаво ҳужумлари ва ҳарбий операцияларни тайёрлашда фойдаланилган.
“Исроил узоқ вақтдан бери Ғазо, Яҳудия ва Самариядаги телефон қўнғироқларини ушлаб, уларни тинглаётган эди. Бироқ янги тизим бутун Фаластин аҳолисининг телефон суҳбатлари мазмунини сақлаб қолган ҳолда буни оммавий тарзда амалга ошириш имконини бермоқда”, дея та`кидланади мақолада.
Лойиҳа билан таниш бўлган разведкадаги манбаларнинг айтишича, 8200 бўлинмаси раҳбарияти армияда бутун аҳолининг телефон қўнғироқлари оқимини бошқариш учун етарли омборхона ва ҳисоблаш қуввати йўқ деган хулосага келганидан сўнг Microsoftъга мурожаат қилган.
Тизим Microsoft серверларида қурилган. Кучайтирилган хавфсизлик чоралари Microsoft муҳандислари томонидан 8200 бўлинмасининг кўрсатмаларига биноан ишлаб чиқилган.
Microsoft ҳужжатларининг сизиб чиқишига кўра, бўлинманинг махфий маълумотларининг катта қисми энди компаниянинг Нидерландия ва Ирландиядаги маълумотлар марказларида сақланиши мумкин.
“Аммо вақт ўтиши билан бу ҳамкорлик ҳақидаги маълумотлар жамоатчиликка ошкор бўла бошлади. Ходимлар ва инвесторлар Microsoftъга Исроил армияси билан алоқалари ва ҳозирги урушда унинг технологияларининг роли туфайли босим ўтказа бошладилар”, дейди муаллифлар.
Изоҳ (0)