Ўзбекистон Суперлигасининг 17-тур учрашувлари давом этмоқда. Фарғона дербиси номи остида ўтган баҳсда “Қўқон-1912” ҳамда “Нефтчи” жамоалари ўзаро куч синашди. Қизиқарли ва муросасиз кечган беллашувда меҳмонлар 2:1 ҳисобида ғалаба қозонди.
Ўйиндаги ҳисоб 9-дақиқада “Нефтчи” ҳужумчиси Алишер Одилов томонидан очилди. Иккинчи бўлимнинг 83-дақиқасида Шоҳруҳ Гадоев мезбонлар сафида жавоб голини урди ва ҳисобни тенглаштирди. Аммо 89-дақиқада Йован Жокичнинг голи “Нефтчи”га муҳим уч очкони тақдим этди.
Мазкур ғалабадан сўнг “Нефтчи” очколарини 33 тага етказиб, турнир жадвалида 2-ўринга кўтарилиб олди. 12 очкога эга “Қўқон-1912” эса 15-поғонани эгаллаб, мусобақа аутсайдерлари сафида қолмоқда.
Ўзбекистон Суперлигаси
17-тур
7 август, пайшанба
“Қўқон-1912” — “Нефтчи” 1:2
Голлар: 0:1 — Одилов (9), 1:1 — Гадоев (83), 1:2 — Жокич (89)
Изоҳ (0)