Сўнгги йилларда “суперфуд” атамаси айниқса машҳур бўлиб, у озуқавий моддалар концентрацияси юқори бўлган озиқ-овқатларни тавсифлайди. “Суперфуд” нима эканлиги тўғрисида аниқ таъриф йўқ. Умуман олганда суперфудларга озуқавий жиҳатдан бой деб ҳисобланадиган маҳсулотлар сабзавотлар, мевалар барча донли маҳсулотлар, дуккаклилар ва ёнғоқлар киради.
Суперфудлар — бу айниқса фойдали моддалар, витаминлар, минераллар, антиоксидантлар ва бошқа биологик фаол бирикмаларга бой деб ҳисобланадиган озиқ-овқат маҳсулотларидир. Улар соғлиқни яхшилашга, касалликлар пайдо бўлиш эҳтимолини камайтиришга ва умумий руҳий ҳолатни яхшилашга ҳисса қўшади. Қизиғи шундаки, ўтган асрнинг бошларида суперfood сифатида банан, аниқроғи турли хил микроорганизмлардан ҳимоя қилувчи унинг қобиғи суперфуд деб ҳисобланган.
Чиа уруғининг фойдалари
Ҳозирги кунда чиа уруғи энг машҳур суперфудлардан бирига айланди ва бу тасодиф эмас албатта. Унинг бой таркиби деярли барча омега ёғ кислоталари 3, 6 ва 9 ни ўз ичига олади ва бу чиа уруғини фойдали моддаларнинг ҳақиқий хазинасига айлантиради. Бу уруғ яллиғланишни олдини олади, гормонал мувозанатни тиклашга ёрдам беради, шунингдек, томирларнинг ички деворларини соғлом шакллантиришга ҳисса қўшади.
Қовоқ уруғининг фойдалари
Қовоқ уруғи уйқусизлик билан курашишга ва уйқунинг сифатини яхшилашга ёрдам беради. Бунинг сабаби таркибида триптофан — серотонин ва мелатонин ишлаб чиқаришга ҳисса қўшадиган аминокислота мавжудлигидадир. Ушбу гормонлар уйқуга жавобгар бўлиб, улар танани бўшашишига ва тунги дам олишга тайёрлашга ёрдам беради.
Қовоқ уруғи таркибида синк — вируслар ва бактерияларга қарши табиий антибактериал восита мавжуд. Шунинг учун улар иммунитет тизимини қўллаб-қувватлаш ва инфекциялар ривожланишининг олдини олиш учун ишлатилади. Қовоқ уруғида мавжуд бўлган толалар ошқозон-ичак трактининг яхши ишлашини нормаллаштиришга ҳисса қўшади.
Спирулинанинг фойдалари
Спирулина илмий жиҳатдан Спирулина платенсис номи билан танилган кўк-яшил микросувўтидир. Озуқа моддаларининг таркиби бўйича у ўсимлик ва ҳайвонот манбаларидан бошқа кўплаб озиқ-овқат маҳсулотларидан устун ҳисобланади.
Биринчидан, спирулина организмда тез ва узоқ муддатли тўйинганликни таъминлайди, бу эса организмга зарар бермасдан овқат миқдорини сезиларли даражада камайтиришга имкон беради. Ушбу сув ўтини мунтазам истеъмол қилиш танага барча зарур элементларнинг оптимал ўзлаштирилишига ҳисса қўшади. Бундан ташқари, спирулина организмдаги метаболик жараёнларни фаоллаштиради, бу айниқса кам ҳаракатланувчи турмуш тарзига эга одамлар учун фойдалидир. У метаболизмни тезлаштиришга ва кун бўйи юқори энергия даражасини сақлаб туришга ёрдам беради. Бугунги тез суръатлик ҳаёт тарзида, фаоллик ўрнини кўпинча ҳаракатсиз турмуш тарзи эгаллаб олган бир пайтда, спирулина ҳаётийликни сақлаш учун идеал ечимдир.
Спирулинанинг фойдали хусусиятлари — бу сув ўтини кунлик рационга қўшиш ҳақида ўйлаш учун яна бир муҳим сабабдир. Спирулина таркибидаги антиоксидантлар ҳужайраларга эркин радикаллар, табиий равишда ҳосил бўладиган ёки озиқ-овқат ва ифлосланган ҳаводан келиб чиқадиган кимёвий зарарланишнинг олдини олади.
Организмдаги эркин радикаллар миқдори меъёрдан ошганда, оксидловчи стресс деб аталадиган ҳолат пайдо бўлади. У ревматоид артрит, астма ва турли хил юрак-қон томир касалликлари каби бир қатор патологияларни келтириб чиқариши мумкин. Эркин радикалларни зарарсизлантирадиган ва шу билан оксидловчи стресснинг пайдо бўлишига тўсқинлик қиладиган моддалар эса айнан спирулинада мавжуд.
Шунингдек спирилуна таркибида B гуруҳи витаминлари мавжудлиги туфайли стресс, уйқусизлик ва ҳавотирлилик каби психо-эмоционал касалликларнинг самарали профилактикаси ҳисобланади.
Кунжут пастасининг фойдалари
Кунжут уруғидан тайёрланган паста таҳини деб аталади. У кремсимон тузилишга ва енгил аччиқлик билан бой ёнғоқ таъмига эга. Унинг фойдасини зарарли калорияларга тўла ва озуқавий моддалардан маҳрум бўлган кўплаб соуслар билан солиштириш қийин. Кунжут пастаси фойдали элементларга жумладан, кўп тўйинмаган ёғ кислоталари, шунингдек, оқсил, калий, марганец, калций ва темир каби микроэлементларга бой.
Таҳини гормонал мувозанатни уйғунлаштиришга, темирнинг сўрилиши ва терининг кўринишини яхшилашга ёрдам беради. Шунингдек, паста суякларнинг минерал зичлиги ва мушакларнинг мустаҳкамлигига ижобий таъсир кўрсатади. Унинг антиоксидантлик таъсири эркин радикаллар томонидан келиб чиққан ҳужайраларнинг шикастланишини олдини олишга ёрдам беради.
Бразилия ёнғоқлари фойдаси
Озуқавий қийматига қарамай, Бразилия ёнғоқларини эҳтиёткорлик билан истеъмол қилиниши керак. Унинг селен концентрацияси юқори бўлганлиги сабабли, дозани ошириб юбориш хавфини олдини олиш учун кунига учтадан кўп ёнғоқ истеъмол қилиш тавсия этилмайди.
Инсон организмига нормал ишлаши учун кўп тўйинмаган ёғ кислоталари керак. Бразилия ёнғоқлари фойдали моддалар хазинаси бўлиб, унинг таркибининг учдан бир қисмидан кўпроғини кўп тўйинмаган ёғ кислоталари ташкил этади. Улар қондаги холестерин миқдорини пасайтиради ва юрак-қон томир касалликлари ва инсульт хавфини камайтиради.
Изоҳ (0)