Кўпгина парҳезшунослар, шакар ва крахмалли овқатларни кўп истеъмол қилиш нотўғри овқатланиш эмас, балки биологик касаллик эканини таъкидлайди. Шакар ва углеводлар гормон ва нейротрансмиттерлар томонидан бошқарилади. Натижада назоратсиз шакар истеъмоли ва ортиқча овқатланиш, афсуски, печенье, ширинлик, газли ичимлик, соуслар кўплаб замонавий одамларнинг одатий рационига киради ва улар саломатлик учун катта хавф туғдиради. Бир тадқиқотда Гарвард тадқиқотчилари сутли коктейл нафақат қондаги қанд миқдори ва инсулин даражасини ошириб, шакарга бўлган иштиёқни қўзғатади, балки мияда ҳам ўзгаришларга олиб келишини аниқлади, деб ёзади Marie Claire.
Шакарга бўлган иштиёқдан халос бўлиш ва соғлиққа зарар етказадиган углеводларга қарамликни бартараф этиш учун детокс режасига амал қилиш керак. Организмни тозалаш ва қайта тиклаш учун ушбу қоидаларга фақат 10 кун риоя қилиш кифоя!
Ширинликлардан бирдан воз кечинг
Афсуски, тўлиқ рад этишдан ташқари, чинакам физиологик қарамлик билан курашишнинг ҳеч қандай усули йўқ. Ширинликларни истеъмол қилишдан бирданига тўхташ керак: шакарли барча маҳсулотлар, хамир овқатлар ва барча сунъий таъм берувчилар. Шунингдек, таркибида трансёғлар ёки натрий глутаматдан ҳам воз кечиш тавсия этилади.
Калорияга бой ичимлик ичманг
Шакарнинг суюқ шакллари шакар ёки унли қаттиқ озиқ-овқатларга қараганда анча зарарли. Тасаввур қилинг-а, шакарли ичимликлар тўғридан-тўғри жигарга киради. Тўқлик ҳисси пайдо бўлмайди, шунинг учун кун давомида овқатланиш истаги қийнайди, натижада шакар ва углеводлар янада кўпроқ қабул қилинади.
Газли ичимлик, ширин чой ёки қаҳва, барча шарбатлар ва энергетик ичимликлар калориянинг энг катта манбаи ҳисобланади. Эсингизда бўлсин, ярим литр газли ичимлик 15 чой қошиқ шакарни ўз ичига олади. Кунига бир бутилка газли ичимлик болада семириб кетиш хавфини 60 фоизга, аёлларда эса қандли диабет хавфини 80 фоизга оширади.
Рационга кўпроқ оқсил қўшинг
Ҳар бир таомда, айниқса нонуштада оқсилга бой таомларни истеъмол қилишга ҳаракат қилинг. Бу мувозанатли шакар ва инсулиннинг калитидир, шунингдек, шакарга бўлган иштиёқни камайтиради. Ёнғоқ, уруғ, тухум, балиқ истеъмол қилиш тавсия этилади.
Оддий углеводларни чексиз миқдорда истеъмол қилинг
Кўкатлар, карам (гулкарам, брокколи, Брюссель карами ва бошқалар), яшил ловия, пиёз, қовоқча, помидор, бақлажон, бодринг каби крахмали бўлмаган сабзавотлардан истеъмол қилишга рухсат берилади. Картошка, қовоқ ва лавлаги рациондан 10 кунга чиқариб ташланиши керак.
Ёғ ёрдамида шакар билан курашинг
Ортиқча вазннинг сабаби ёғ эмас, балки шакардир. Ёғ тўқликни келтириб чиқаради ва ҳужайраларни озиқлантириш учун зарурдир, қонда шакар даражасини мувозанатлашда ёрдам беради. Ёнғоқ ва уруғлар, зайтун ёғи, кокос ёғи, авокадо ва омега-3 ёғ кислоталари каби соғлом ёғларни ҳар бир таом ва газакда оқсил билан бирга истеъмол қилиш тавсия этилади.
Фавқулодда вазиятларга тайёрланинг
Қонда шакар даражаси пасайган вазиятларга тайёргарлик кўриш муҳимдир ва бунга соғлом овқатланиш учун қулай бўлмаган жойлар, масалан, аэропорт ёки офис сабаб бўлиши мумкин. 10 кунлик детокс учун овқатланиш ҳақида олдиндан ўйлаб кўриш ва фойдали газаклардан бодом, ёнғоқ, қовоқ уруғлари, резавор, сабзавотларни истеъмол қилиш мумкин.
Яллиғланиш жараёнини тўхтатинг
Тадқиқотлар шуни кўрсатадики, яллиғланиш қонда шакар мувозанати бузилиши ва қандли диабетнинг сабабидир. Яллиғланиш жараёнларининг энг кенг тарқалган манбаи шакар, ун ва трансёғларидан ташқари, бир қатор озиқ-овқат маҳсулотларига бўлган яширин қаршиликдир. Ўн кун давомида глютен ва сут маҳсулотларини рад этиш лозим. Буни қилиш осон бўлмайди, лекин уларсиз икки ёки уч кундан сўнг янги энергия тўлқини пайдо бўлади, ортиқча вазн ва кўплаб носоғлом аломатлар йўқолади.
Етарлича ухланг
Уйқунинг етишмаслиги шакар ва углеводларга бўлган иштиёқни келтириб чиқаради, чунки бу тўқлик гормонларига таъсир қилади. Тадқиқотларда тавсия этилган саккиз соатлик уйқудан атиги икки соатидан маҳрум бўлган талабаларда очлик гормонларининг кўпайиши, иштаҳани бостирувчи гормонларнинг камайиши, шакар ва оддий углеводларга бўлган иштиёқнинг ошиши кузатилди. Бирор киши етарлича ухламаса, у энергияга эга бўлмайди, шунинг учун у осонроқ ҳазм бўладиган шакарни истеъмол қилади. Уйқу — ортиқча овқатланиш билан курашишнинг энг яхши усули. Ухлаш орқали углеводларга бўлган иштиёқ ва ортиқча вазн билан осонгина курашиш мумкин.
Шакарсиз соғлом ширинликлар
Мева ва резаворлардан тайёрланадиган салат ва смузилар, уларнинг қуритилганини бемалол истеъмол қилиш мумкин. Фақатгина меваларни бошқа овқатдан кейин дарҳол истеъмол қилмаслик керак, бунинг учун 1-2 соат кутиш лозим, акс ҳолда ферментация бошланади ва натижада соғлиқда ўзгаришлар келиб чиқади. Табиий қора шоколад ҳам соғлом ширинликларга тегишли, аммо унинг таркибида камида 70 фоиз какао бўлиши керак.
Мавзуга доир:
Изоҳ (0)