Кўринмас шакар: яширин тарзда қандли диабетга дучор қиладиган 7 та озиқ-овқат
Шифокорлар кунига 6 чой қошиқдан кўп бўлмаган миқдорда шакар истеъмол қилишни тавсия қиладилар, аммо бу маҳсулот меъёрдан бир неча баробар ошиб кетади. Ёмон томони, кунига қанча қанд қабул қиляпсиз буни сезмай қолиш ниҳоятда осон!
Шакарсиз глюкоза ҳам бўлмайди. Глюкоза ҳужайралар учун энг самарали энергия манбаи бўлиб, мия бу “ёқилғи”сиз умуман ишлай олмайди. Аммо организм қанча кўп шакар билан таъминланса, хавф шунчалик юқори бўлади, “ташқи” энергияни қандай қабул қилишни унутади ва диабет бошланади. Бунинг олдини олиш учун ширинликлар даражасини назорат қилиш керак: катталарнинг кунига олти чой қошиқ шакар билан чекланишлари тавсия этилади. Шу билан бирга, албатта, кўп миқдорда шакар яширинган озиқ-овқатлардан сақланишингиз лозим, айниқса, шулар анча хавфли. Биз бу борада чемпион маҳсулотлар ҳақида гапирамиз, деб ёзади “Новий очаг” нашри.
Суши
Гуруч, балиқ, денгиз ўтлари — бунда шакар қаердан пайдо бўлади? Гап шундаки, гуручни пиширишда анъанавий равишда цирка, туз ва шакар қўшилади ва гуруч ёпишқоқ бўлиб чиқади, ажралиб кетмайди ҳам. Натижада, бир стакан сушида бир ош қошиқ шакар “кўринмай” қолади. Бу миқдор жуда кўп!
Консерваланган мева ва сабзавотлар
Хўш, меваларда ҳаммаси равшан: улар ширин қиёмда сақланади, аммо сабзавотлар ҳақида нима дейиш мумкин? Афсуски, шакар энг кенг тарқалган маринадларнинг таркибий қисмидир. Уни консерваланган маккажўхори, ловия ёки нўхат, ҳатто, тузланган бодринг-помидор таркибида яширин тарзда истеъмол қилаётганингизни билмасангиз керак?
Нон
Ҳатто, қора ва бутун донли нонларда ҳам шакар миқдори кўп. 100 грамм нон учун ўртача камида 4 грамм шакар қўшилади. Бу ўлчов олий нав ундан тайёрланган оқ нон ёки кексларга қўшиладиган шакардан асло кам эмас.
Гўшт маҳсулотлари
Колбаса, сосиска, қуритилган гўшт маҳсулотлар ёрлиқларидаги таркибни ўқиб чиққанда рўйхатда шакарни учратасиз. Кўпинча у қайта ишланган гўштларга иштаҳа очар бўлиб кўриниши учун ишлатилади. Саломатлигингиз ҳақида жиддий қайғурсангиз, қайта ишланган гўшт маҳсулотларидан узоқроқ бўлинг.
Протеинли батончиклар
Сизнингча, батончиклар протеин танқислигини тезда қоплаш, очликни бартараф этиш ва қувват беришнинг осон усулими? Таркибни диққат билан ўқинг: уларнинг кўпчилигида оқсилдан кўра кўпроқ шакар мавжуд. Протеинли батончикларнинг кунлик истеъмолида улар 30 граммгача шакарни ўз ичига олган бўлиши керак.
Йогурт
Йогурт ажойиб нонушта боп таом ва мукаммал қўшимча... Фақат таркибида йогуртдан бошқа ҳеч нарса бўлмаса. Қуруқ ёки резавор мевалар билан тўлдирилган идишларда тайёр ҳолда сотиладиган ёгуртда олти чой қошиқ шакар бўлиши мумкин. Бу миқдор катталар ва болалар учун жуда кўп.
Мева шарбатлари
Шарбатлар қадоғида “шакарсиз” деб ёзилган бўлса ҳам, уни истеъмол қилмаганингиз маъқул. Ҳатто, янги сиқилган шарбатда ҳам меванинг ўзига қараганда кўпроқ шакар бор. Қолаверса, мева шарбатида клечатка мавжуд эмас, шу боис ичимликдаги шакарнинг барчаси бир зумда қонга қўшилиб кетади.
Мавзуга доир:
- Онкологлар тавсияси: воз кечиш керак бўлган 7 та маҳсулот
- 10 кунлик детокс: қандай қилиб ва нима учун шакардан воз кечиш керак?
