2000-yillarning boshida kumirlar hozirgi internet va ijtimoiy tarmoqlar davridagiga qaraganda ancha kam edi.
O‘sha vaqtdagi yulduzlarning ba’zilari bugungi kunda tannoz qizlar va kelishgan bo‘ydoqlar emas, balki oilali va o‘z kasbining mohir ustalaridir.
Odri Totu
Fransuz aktrisasi “Ameli” filmidagi roli bilan dunyoga mashhur bo‘ldi. Biroq muxlislar olomoni va salmoqli nominatsiyalarga qaramay, Odri Gollivudni tanlamadi va Fransiyada qoldi. Faqat 2006-yilda Odri “Da Vinchi siri” trillerida rol o‘ynadi hamda 2010-yilda teatr sahnasidagi debyuti bo‘lib o‘tdi. Hozirda ham aktrisa filmlarda suratga tushmoqda.
Kristina Agilera
Kuchli ovoz sohibasi go‘zal mallasoch xonanda 1999-yilda musiqa reytinglarini zabt etdi — uning “What a Girl Wants” qo‘shig‘i hamma joyda yangradi. Uzoq davom etgan karyerasi mobaynida u nafaqat qo‘shiqchi sifatida, balki bir nechta filmlarda rol ijro etgan aktrisa, qo‘shiqlar muallifi va musiqa prodyuseri sifatida ham o‘zini namoyon qildi.
Lindsi Lohan
“Ota-onalar uchun tuzoq”, “Bebosh qizlar” va “Ajoyib juma” filmlari Lindsiga jahon miqyosida mashhurlik keltirdi. Shuhrati so‘ngach, u musiqa sohasida faoliyat yurita boshladi, seriallar va filmlarda rol ijro etdi.
Julian Makmehon
“Sehrlanganlar” seriali yulduzi Julian ekranlardan butunlay g‘oyib bo‘lgani yo‘q — u hamon filmlarda rol o‘ynamoqda. Tomoshabinlar uni “Ajoyib to‘rtlik” filmida yovuz qahramon rolida va “Dirk Jentlining detektiv agentligi” serialida ko‘rishlari mumkin.
Peris Hilton
2000-yillar o‘rtalarida Perisning qo‘shiqlari radioshoularda yangragan, televizorda “Oddiy hayot” realiti-shousi namoyish etilgan, unda merosxo‘r, millionlab dollarga ega bo‘lgan ayol pol yuvishni va sigirni sog‘ishni o‘rganayotgani tasvirlangan. Vaqt o‘tishi bilan Perisning shuhrati biroz pasaygan bo‘lsa-da, u musiqiy karyerasini astoydil davom ettirdi, parfyumeriya liniyasini ishga tushirdi va muvaffaqiyatli dijey bo‘ldi.
Natali Imbruliya
Natali kino va seriallarda suratga tushib, teatrda o‘ynagan va eng muhimi, u hali ham qo‘shiq aytadi. 2021-yilda xonandaning “Firebird” nomli albomi chiqdi.
Jeyson Pristli
“Beverli-Hillz, 90210” serialidagi Brendon Uolsh roli bilan mashhur bo‘lgan aktyor loyiha tugagandan so‘ng filmlarda ham rol o‘ynadi. Bundan tashqari, u rejissyorlikka qiziqib, Amerikaning mashhur teleko‘rsatuvlari uchun bir qator epizodlarni sahnalashtirdi.
Hilari Daff
Disney Channel telekanalining “Lizzi Maguayer” teleserialidagi bosh roli tufayli Hilari yulduzga aylandi. Voyaga yetgach, Daff musiqa bilan shug‘ullanishni davom ettirdi, filmlarda rol o‘ynadi, 2 ta kiyim-kechak tarmog‘ini ishga tushirdi, o‘zining parfyumini chiqardi, kitoblar yozdi va faol xayriya faoliyati bilan shug‘ullanadi.
U ijrochi prodyuser bo‘lgan va bosh rolni o‘ynagan “Sheron Teyt arvohlari” filmini esa aktrisa repertuaridagi omadsiz film desa ham bo‘ladi. Loyihani nafaqat tanqidchilar, balki tomoshabinlar ham yoqtirmadi: IMDb’da kartina atigi 2,8/10 reytingga ega.
Holli Mari Kombs
“Sehrlanganlar” filmidan tashqari, Hollining mashhur “Yoqimtoy yolg‘onchilar” serialidagi roli va filmlardagi bir nechta kichik rollari bor. 2019-yilda Holli restorator Mayk Rayanga turmushga chiqdi va bu uning 3-nikohi.
Izoh (0)