Bu rollar aslida boshqa aktyorlarga shuhrat keltirishi mumkin edi. Biroq mazkur yulduzlar imkoniyatlarini qo‘ldan boy berishdi.
Mett Deymon – “Avatar”
Mett Deymon “Avatar” filmidagi Jeyk Salli rolidan voz kechadi, agar u rolni ijro etganda 250 million dollar ishlab olishi mumkin edi. Bunga sabab o‘sha paytda u Born haqidagi filmlar bilan band edi.
“Bu kino tarixidagi aktyor qilgan eng ahmoqona qaror... Men taxminan 50 ta filmda rol ijro etganman. Ammo hech qachon 1 milliard dollar daromad keltirgan filmda suratga tushmaganman”.
Jeyms Kemeronning mashhur blokbasteridagi rol o‘sha paytda uncha taniqli bo‘lmagan Sem Uortingtonga nasib etadi va uni yulduzga aylantiradi.
Makoley Kalkin — “Katta portlash nazariyasi”
Makoley Kalkin ham “Katta portlash nazariyasi” filmidagi asosiy rollardan birini rad etadi.
Prodyuserlar meni ta’qib qilishgan, lekin men “yo‘q” deganman. Syujetni menga shunday tasvirlashgan — ikkita astrofizik-botanik bo‘ladi va ular bilan bir go‘zal qiz yashaydi. Men esa: “Tushundim, rahmat”, dedim. Keyin ular meni bezovta qilishdi, men rad etaverdim. Ammo ular to‘xtamadi, hatto menejerim ham meni rozi qilishga urindi... Agar rolga rozi bo‘lganimda hozir yuzlab million dollarim bo‘lardi.
Kalkin unga aynan qanday rol taklif qilinganini aytmagan bo‘lsa-da, bu Jonni Galeki va Jim Parsons o‘ynagan Leonard Xofstedter yoki Sheldon Kuper edi.
Beyonse – “Sohibjamol va maxluq”
Mish-mishlarga ko‘ra, Beyonse “Sohibjamol va maxluq” filmining qayta suratga olinishida supurgi Plyumett rolini rad etgan. 2017-yilda u bilan “Orzudagi qizlar” filmida hamkorlik qilgan rejissyor Bill Kondon Yahoo Entertainment’ga shunday degan: “Bu uning uchun yetarlicha katta rol emas edi. Ammo u ajoyib supurgi bo‘lardi”. Rol oxir-oqibat Gugu Mbata-Rouga nasib etgan.
Zendaya – “Aliya: R&B malikasi”
Zendaya “Aliya: R&B malikasi” biografik filmi marhum qo‘shiqchining oilasi tomonidan salbiy munosabatga uchraganidan keyin loyihani tark etadi. Aktrisaning ta’kidlashicha, u Aliya rolini o‘ynashni sharaf deb bilgan, ammo loyiha muvaffaqiyat qozonishiga ishonmagan. Rol esa Aleksandra Shippga nasib etadi.
Ien Makkellan — “Garri Potter”
Richard Xarris vafotidan keyin Ien MakKellan “Garri Potter” filmlarida Albus Dambldor rolini o‘ynashdan bosh tortadi. 2017-yilda u BBC News nashriga shunday dedi:
Menga qo‘ng‘iroq qilib, “Garri Potter” filmida rol o‘ynashga nima deysiz, deb so‘rashganida, aynan qanday rol ekanini aytishmadi, lekin men gap nima haqida ketayotganini tushundim. Meni yoqtirmaydigan aktyor rolini o‘z zimmamga ololmasdim.
Xarris bir marta Makkellanni “texnik jihatdan ajoyib, ammo hissiyotsiz aktyor” deb atagan. Yakunda Xogvarts direktori vazifasini Maykl Gembon o‘z zimmasiga oladi.
Amanda Seyfrid – “Galaktika qo‘riqchilari”
Amanda Seyfried “Galaktika qo‘riqchilari” filmidagi Gamora rolini rad etgan, chunki u “yashil bo‘lishni xohlamagan”. Mashhurlik keltirga rol esa Zoi Saldanaga nasib etadi.
Men Jennifer Lourensning anchagacha ko‘k rangga bo‘yalganligi haqida gapirganini eslayman. Bu azob-ku, deb o‘yladim, chunki suratga olish maydonchasiga atigi bir necha soatga chiqish, keyin esa bularning barchasini yana yuvishga to‘g‘ri kelardi va sabab aynan shunda edi.
Lourens Fishbern — “Jinoiy asar”
“Jinoiy asar” filmidagi Juls Uinfild roli Lourens Fishbern uchun Tarantino tomonidan yozilgan, ammo u bu rolni rad etgan. 2020-yilda aktyor Vulturega ssenariyda giyohvand moddalarni iste’mol qilish sahnalari uni shunday qarorga kelishga undaganini aytadi. “Bu shunchaki mening qahramonim emas edi”, deydi aktyor. Natijada mazkur Samuel L. Jeksonga nasib etadi.
Izoh (0)