Inson o‘zida ko‘rgan barcha muammolar har doim ham atrofdagilarga ko‘rinavermaydi. Quyidagi ro‘yxatdagi yulduzlarni mukammal deb hisoblashingiz mumkin. Biroq ularda ham komplekslar mavjud.
Kayli Jenner
The Kardashians ko‘rsatuvining bir sonida mashhur yulduz deyarli butun umri davomida quloqlaridan uyalganini aytadi. Ma’lum bo‘lishicha, Kardashyan-Jennerning katta opalari bolaligidanoq Kaylini “Oppog‘oy va yetti gnom” multfilmidagi Dupi ismli gnomga o‘xshatishgan ekan. Bu qizchaga qattiq ta’sir qilgan, chunki multfilm qahramoni juda g‘alati ko‘rinishga ega edi. Shu sababli Kayli o‘zini ham xuddi shunday deb o‘ylardi.
“Ehtimol, bu boshqalarga bilinmas, lekin shaxsan menga atrofdagilar faqat quloqlarimga qarab, ustimdan kulishayotgandek tuyulardi. Shuning uchun anchagacha sochimni yig‘ib turmaklatmaganman”, deydi Jenner.
Rianna
Rianna ham butun dunyoga mashhur bo‘lgach, nomukammalligini his qila boshlaganini tan oldi. Qo‘shiqchi tomoshabinlar nazarida benuqson ko‘rinsa-da, yuragining tub-tubida o‘zini sahnada yoki ekrandagidek dadil his etmasdi. Mashhurlik unga “ideal bo‘lish”ni ta’kidlagandek edi, ammo qo‘shiqchi haqiqiy hayoti bunday emasligini tushungan.
“Hozir, muvaffaqiyatni his qila boshlaganimda, bu oxiri bo‘lishi mumkinligidan qo‘rqishni boshladim. Oyog‘im ostidan yer sirg‘alib chiqib ketayotganidan shunchalik qo‘rqamanki, hozir ham hamma mashhurligimni aytsa, unda adashib qolishdan qo‘rqaman”, deydi u.
Ed Shiran
Bir necha yil oldin Ed Shiran komplekslari haqida aytib, tomoshabinlarni hayratda qoldirgandi. Faoliyatining boshida san’atkor o‘zini boshqa yulduzlar, jumladan, Shon Mendes va Jastin Biber bilan solishtirgan. Ed negadir ularning oldida o‘zini “beo‘xshov” va “juda semiz” his qilardi. O‘shanda artist o‘zini qo‘lga ololmagani, sport zaliga borolmagani yoki parhezga qilolmagani uchun o‘zini koyidi. O‘zidan ko‘ngli to‘lmagan Shiran kaloriyali taomlarni iste’mol qildi, buning uchun keyinchalik o‘zini yanada ko‘proq aybladi.
“Men Elton Jon o‘z kitobida aytgan narsalar bilan shug‘ullanayotganimni bilib qoldim — ko‘nglim ayniguncha ovqatlandim. Erkak kishi sifatida bu haqda gapirish men uchun juda noqulay”, deb tan oladi sozanda.
Keti Perri
Gollivud aktrisasi Keti Perrining tabassumi har qanday odamni maftun qiladi. Biroq u bir qarashda ko‘ringanidek mukammal emas. Xonandaning har doim ham tabassum qilganda ko‘rinmaydigan pastki tishlari juda notekis. Shu sababli Keti o‘zidagi bu “kamchilik”ni tuzatishni rejalashtirmasa-da, u uchun bu kompleks. Shunchaki Perri breketlarni yanada kulgili va noqulay deb hisoblaydi. Bu masalada qulaylik uning uchun go‘zallik qonunlaridan ko‘ra muhimroq.
“Bu tishlar go‘zalligimning dushmani. Ularning benuqson bo‘lishini istardim ammo tishlarim xuddi tish emas, balki qoyali tog‘lardek egri-bugri”, shikoyat qiladi xonanda.
Robert Pattinson
Dismorfofobiyada odam haddan tashqari bezovta bo‘lib, o‘zidagi arzimas nuqsonlar bilan band bo‘ladi. Robert Pattinson ham bir necha bor eng kelishgan erkak sifatida e’tirof etilgan bo‘lsa-da, u baribir tana tuzilishi tufayli komplekslarni boshdan kechiradi. Robert juda ozg‘in va o‘zini tashqi ko‘rinishi erkaklar go‘zalligi qonunlariga mos keladigan kelishgan yigitlardan juda uzoqda deb hisoblaydi. Muntazam sport va o‘z ustida ishlash uning uchun mashg‘ulot emas. Pattinson ortiqcha maqtovlarni yoqtirmaydi, chunki ular unga aslida bu “chiroyli kartinka”ga mos kelmasligini yana bir bor eslatadi.
“Har doim sendan ko‘ra yaxshiroq holatda bo‘lgan odam topiladi. Mashinadan tushgunimcha qattiq hayajonlanaman va shundan keyingina tinchlanaman. Menda dismorfofobiya va yuqori darajadagi xavotir bor. O‘ylaymanki, bu ulkan komplekslar tufayli xudbin bo‘lib qolmadim”, deydi aktyor ochiqchasiga.
Izoh (0)