Ba’zan san’at olamidagi mashhurlarning farzandi ham shu sohaga kirib kelganda, ota-onasining soyasida qolib ketadi. Ammo ayrim xonandalar shunday yuksak cho‘qqilarga erishadiki, ularning ismi nafaqat oilaviy mashhurlikni ortda qoldiradi, balki butun dunyoda alohida e’tirof etiladi. Ushbu maqolada muvaffaqiyat borasida ajdodlarini ortda qoldirgan san’atkorlar haqida so‘z boradi.
1. Mayli Sayrus
Billi Rey Sayrus 1961-yil 25-avgustda tug‘ilgan amerikalik qo‘shiqchi, bastakor va aktyordir. U kantri musiqasi yo‘nalishida ijod qiladi. Uning eng mashhur qo‘shig‘i 1992-yilda chiqqan “Achy Breaky Heart” o‘z davrida eng xit treklardan biri bo‘lgan.
Uning qizi Mayli Sayrus 1992-yil 23-noyabrda tug‘ilgan. U ham qo‘shiqchi, aktrisa va bastakordir. Mayli yoshligidan san’atga qiziqib ulg‘aygan va 13 yoshida “Hanna Montana” teleseriali orqali mashhurlikka erishgan. Disney kanali orqali namoyish etilgan mazkur serial uni butun dunyoga tanitgan.
Mayli Sayrusning qo‘shiqlari pop, pop-rok va kantri janrlarini o‘z ichiga oladi. U “Wrecking Ball”, “Party in the U.S.A.” va “Flowers” kabi xit qo‘shiqlari bilan ko‘plab mukofotlarga sazovor bo‘lgan. Mayli hech kimga o‘xshamas ijodi yo‘li va o‘ziga xos imiji bilan doimo omma e’tiborida bo‘lib kelgan.
2. Anjelina Joli
Anjelina Jolidagi aktrisalik qobiliyati “Oskar” va “Emmi” mukofotlari sovrindori, otasi Jon Voytdan meros bo‘lib olgan. Voyt Amerika kino sanoatining yirik aktyorlaridan biri hisoblanib, u 1960-yillardan boshlab Gollivudda faoliyat yuritib keladi.
Anjelina otasi bilan birinchi marta katta ekranga chiqqanida yetti yoshda edi. U bolaligidan aktrisalik mahoratini namoyish etgan va 1990-yillarda kino sanoatida mashhur bo‘la boshlagan. Buguni kunga qadar Joli 40 dan ortiq filmlarda suratga tushgan. Uning boyligi 120 million dollarga baholangan. Joli hozirda Gollivuddagi eng ko‘p maosh oluvchi aktrisalardan biridir. Joli “Oskar”, “Toni” mukofoti va uch karra “Oltin globus”ga sazovor bo‘lgan.
3. Kris Payn
Kris Paynning otasi, “Kaliforniya yo‘l patruli” teleserialdagi serjant Jozef Getrer roli bilan mashhur. Uning sharofati bilan o‘g‘li Kris kino sohasiga kirib kelgan, ammo u mashhurlik cho‘qqisiga erishish uchun ko‘p yillar davomida mehnat qilgan. U “Star Trek” (2009–2016) va “Yerosti va ajdaholar” (2023) filmlaridagi rollari bilan tanilgan.
Shuningdek, Kris Paynning buvisi Enn Gvin kino tarixida kuchli ovozi bilan “hayqiriq malikasi” sifatida mashhur bo‘lgan.
4. Jiji va Bella Hadid
Jiji va Bella Hadid — zamonaviy Amerika shou-biznesining mashhur modellari hisoblanadi. Opa-singillarning onasi Yolanda Hadid ham turmush qurishdan oldin modellik biznesida ishlagani. 2010-yillarda u “Beverli-Hillsning haqiqiy uy bekalari” realiti-shousidagi ishtiroki tufayli mashhur bo‘lgan. Qizlarning otasi esa falastinlik-amerikalik tadbirkor bo‘lib, asosan, AQShda ko‘chmas mulk biznesi bilan shug‘ullanadi.
Jiji 2013-yilda dunyoning eng yaxshi model agentliklaridan biri IMG Models bilan shartnoma imzoladi va shundan keyin Nyu-York moda haftaligi podiumida ko‘rinish berdi. Uning singlisi Bella esa bir yildan so‘ng agentlikka qo‘shildi. Bu voqeadan keyin opa-singil Hadidlar moda olamiga kirib keldi, dunyodagi eng ko‘p haq oluvchi modellarga aylandi.
Ko‘p jihatdan Yolanda farzandlarining kelajakdagi kasbiga o‘z ta’sirini o‘tkazgan. Misol uchun, qizlarning eng kattasi Jijini agentlikka olib kelgan onasi tufayli uch yoshidayoq modellik biznesida ish boshlagan. Opa-singillarning muvaffaqiyatga erishishiga ota-onasi sababchi bo‘lganini yashirmaydi.
5. Gvinet Peltrou
Amerikalik aktrisa va teleboshlovchi mashhur ota-onalar oilasida tug‘ilgan. Uning otasi Bryus Peltrou rejissor va prodyuser, onasi Blayt Danner esa mashhur Gollivud aktrisasi edi. Danner televideniyedagi (masalan, Kolombo teleserialidagi) va filmlardagi rollari bilan tanilgan. Blayt Danner rol o‘ynagan eng mashhur filmlardan biri “Ota-onalar bilan tanishish” (2000) filmida Robert De Niro qahramonining rafiqasi rolini o‘ynagan.
Gvinetning kelajakdagi kasbi bolaligidanoq belgilab qo‘yilgandek tuyulishi mumkin, ammo o‘smirlik davrida u karyerasini mustaqil qurishga qaror qiladi va san’atni chuqurroq o‘rganish uchun universitetga kiradi. Biroq Peltrou tez orada onasidan o‘rnak olib, o‘zini aktrisalikka bag‘ishlashga qaror qiladi va o‘qishini tashlaydi. Ammo uning mashhurligi ota-onasining shon-shuhratini ortda qoldirishini hech kim tasavvur ham qilmagan edi.
Peltrou faoliyatini 90-yillarda boshlagan va “Qichqiriq”, “Yetti”, “Tanama-tana” kabi mashhur filmlarda rol o‘ynagan. 1998-yilda u “Oshiq Shekspir” filmidagi Violetta roli uchun “Oskar” olgan. Shuningdek, Gvinet Peltrou Marvel olami, xususan, “Temir odam” filmidagi Toni Starkning yordamchisi va keyinchalik sevgilisi Pepper Potts roli bilan tanilgan. Faoliyati davomida u “Oskar”, “Oltin globus” va “Emmi” mukofotlarini qo‘lga kiritgan.
6. Uitni Hyuston
1963-yil 9-avgustda tug‘ilgan va 2012-yil 11-fevralda vafot etgan xonanda Uitni Hyuston dunyodagi eng ko‘p mukofot olgan san’atkorlardan biri hisoblanadi. Uning ovozi noyob, kuchli va ta’sirchan bo‘lib, haqiqiy muvaffaqiyat unga 1992-yilda “Tansoqchi” filmi uchun “I will always love you” qo‘shig‘ini ijro etganidan keyin keldi. Uning albomlari millionlab nusxalarda sotildi. Uitni Hyuston faoliyati davomida yettita “Gremmi” mukofotiga sazovor bo‘ldi.
Hyuston jahon musiqasi tarixidagi tijoriy jihatdan eng muvaffaqiyatli ijrochilardan biriga aylandi. Uning onasi Sissi Hyuston ham qo‘shiqchisi bo‘lgan. U ko‘p yillar davomida taniqli san’atkorlarga, jumladan, Areta Franklin, Elvis Presli kabi mashhur qo‘shiqchilarga back vocal (orqa fon ijrochisi) ijrosida bo‘lgan.
Izoh (0)