2000 йилларнинг бошида кумирлар ҳозирги интернет ва ижтимоий тармоқлар давридагига қараганда анча кам эди.
Ўша вақтдаги юлдузларнинг баъзилари бугунги кунда танноз қизлар ва келишган бўйдоқлар эмас, балки оилали ва ўз касбининг моҳир усталаридир.
Одри Тоту
Француз актрисаси “Амели” фильмидаги роли билан дунёга машҳур бўлди. Бироқ мухлислар оломони ва салмоқли номинацияларга қарамай, Одри Голливудни танламади ва Францияда қолди. Фақат 2006 йилда Одри “Да Винчи сири” триллерида рол ўйнади ҳамда 2010 йилда театр саҳнасидаги дебюти бўлиб ўтди. Ҳозирда ҳам актриса фильмларда суратга тушмоқда.
Кристина Агилера
Кучли овоз соҳибаси гўзал малласоч хонанда 1999 йилда мусиқа рейтингларини забт этди — унинг “What a Girl Wants” қўшиғи ҳамма жойда янгради. Узоқ давом этган карьераси мобайнида у нафақат қўшиқчи сифатида, балки бир нечта фильмларда рол ижро этган актриса, қўшиқлар муаллифи ва мусиқа продюсери сифатида ҳам ўзини намоён қилди.
Линдси Лоҳан
“Ота-оналар учун тузоқ”, “Бебош қизлар” ва “Ажойиб жума” фильмлари Линдсига жаҳон миқёсида машҳурлик келтирди. Шуҳрати сўнгач, у мусиқа соҳасида фаолият юрита бошлади, сериаллар ва фильмларда рол ижро этди.
Жулиан Макмеҳон
“Сеҳрланганлар” сериали юлдузи Жулиан экранлардан бутунлай ғойиб бўлгани йўқ — у ҳамон фильмларда рол ўйнамоқда. Томошабинлар уни “Ажойиб тўртлик” фильмида ёвуз қаҳрамон ролида ва “Дирк Жентлининг детектив агентлиги” сериалида кўришлари мумкин.
Перис Ҳилтон
2000 йиллар ўрталарида Периснинг қўшиқлари радиошоуларда янграган, телевизорда “Оддий ҳаёт” реалити-шоуси намойиш этилган, унда меросхўр, миллионлаб долларга эга бўлган аёл пол ювишни ва сигирни соғишни ўрганаётгани тасвирланган. Вақт ўтиши билан Периснинг шуҳрати бир оз пасайган бўлса-да, у мусиқий карьерасини астойдил давом эттирди, парфюмерия линиясини ишга туширди ва муваффақиятли дижей бўлди.
Натали Имбрулия
Натали кино ва сериалларда суратга тушиб, театрда ўйнаган ва энг муҳими, у ҳали ҳам қўшиқ айтади. 2021 йилда хонанданинг “Firebird” номли альбоми чиқди.
Жейсон Пристли
“Беверли-Ҳиллз, 90210” сериалидаги Брендон Уолш роли билан машҳур бўлган актёр лойиҳа тугагандан сўнг фильмларда ҳам рол ўйнади. Бундан ташқари, у режиссёрликка қизиқиб, Американинг машҳур телекўрсатувлари учун бир қатор эпизодларни саҳналаштирди.
Ҳилари Дафф
Disney Channel телеканалининг “Лиззи Магуаер” телесериалидаги бош роли туфайли Ҳилари юлдузга айланди. Вояга етгач, Дафф мусиқа билан шуғулланишни давом эттирди, фильмларда рол ўйнади, 2 та кийим-кечак тармоғини ишга туширди, ўзининг парфюмини чиқарди, китоблар ёзди ва фаол хайрия фаолияти билан шуғулланади.
У ижрочи продюсер бўлган ва бош ролни ўйнаган “Шерон Тейт арвоҳлари” фильмини эса актриса рэпертуаридаги омадсиз фильм деса ҳам бўлади. Лойиҳани нафақат танқидчилар, балки томошабинлар ҳам ёқтирмади: IMDb’да картина атиги 2,8/10 рейтингга эга.
Ҳолли Мари Комбс
“Сеҳрланганлар” фильмидан ташқари, Ҳоллининг машҳур “Ёқимтой ёлғончилар” сериалидаги роли ва фильмлардаги бир нечта кичик роллари бор. 2019 йилда Ҳолли ресторатор Майк Райанга турмушга чиқди ва бу унинг 3-никоҳи.
Изоҳ (0)