Saudiya Arabistonining “Al-Hilol” klubining braziliyalik hujumchisi Neymar jamoadoshlariga 2025-yilning yozida Amerikaning “Inter Mayami” klubiga o‘tishini aytdi, deb xabar beradi Sky Sport Switzerland.
2024—2025-yilgi mavsum yakunlangach, Neymarning “Al-Hilol” bilan shartnomasi tugaydi. Tomonlar o‘rtasidagi kelishuvni uzaytirish ehtimoli yo‘qligi ma’lum qilingandi.
32 yoshli braziliyalik futbolchining “Barselona”dagi sobiq jamoadoshlari — Lionel Messi, Serxio Buskets, Xordi Alba “Inter Mayami”da o‘ynaydi va jamoa bosh murabbiyi yana bir sobiq kataloniyalik futbolchi Xaver Maskerano hisoblanadi.
Ma’lumot uchun, Neymar 2023-yilning yozida “Al-Hilol”ga o‘tgan edi. Jarohatlari tufayli futbolchi jamoa bilan yettita o‘yin o‘tkazdi.
Avvalroq Neymar o‘z faoliyatini Ispaniyada davom ettirishi mumkinligi xabar qilingandi.
Braziliyalik futbolchi Dubaydan 50 million yevroga pentxaus sotib olgandi.
Izoh (0)