"Al-Hilol" hujumchisi Neymar yaqin kelajakda kimlar jahon futbolida yulduzga aylanishi haqida o‘z fikrlari bilan o‘rtoqlashdi.
“Kelajak yulduzi? Menimcha, “Palmeyras”dan Estevao Braziliya futbolida o‘sib borayotgan ajoyib iste’dod. Menimcha, u daho bo‘ladi!” — Neymarning so‘zlarini keltiradi TNT Sports Brazil.
Oldinroq Londonning “Chelsi” klubi o‘zining rasmiy saytida Braziliyaning “Palmeyras”dan 17 yoshli vinger Estevao Villian transferini e’lon qilgandi. Futbolchi inglizlar safiga 2025-yilning yozida kelib qo‘shiladi.
Estevao Braziliyaning “Kruzeyro” klubi tarbiyalanuvchisi bo‘lib, u yerda 2021-yilda “Palmeyras”ga ko‘chib o‘tgan. Joriy mavsumda hujumchi klub safida 27 ta o‘yinda maydonga tushib, 8 ta gol urdi va 5 ta golli uzatmani amalga oshirdi. Nufuzli Transfermarkt internet portaliga ko‘ra, Estevaoning bozor qiymati 30 million yevroni tashkil qiladi.
Izoh (0)