Saudiya Arabistonining “Al-Hilol” va Braziliya terma jamoasi hujumchisi Neymar yana jamoatchilik e’tiborini tortdi.
Bu safar gap uning futboldagi yutuqlari yoki yangi jarohati haqida emas. Hujumchi Dubaydagi Binghatti Residences majmuasidan pentxaus sotib olib, o‘zining kamtarona hayotiga biroz dabdaba qo'shishga qaror qildi.
Majmua qurilishi hali tugallanmagan va 2027-yilda yakunlanishi rejalashtirilgan bo‘lsa-da, loyiha allaqachon katta qiziqish uyg‘otmoqda.
Unda 182 ta kvartira bor, biroq Neymar 11 ta eksklyuziv pentxauslardan birini tanladi, bu esa majmuadagi eng qimmat rezidensiyalardan biri bo‘ladi.
Pentxaus shaxsiy suzish havzasi va avtomobilni to‘g‘ridan-to‘g‘ri kvartiraga ko‘tarish imkonini beruvchi noyob tizimga ega garaj bilan jihozlanadi. Panoramali derazalar shaharning hayratlanarli manzaralarini taqdim etadi.
Ushbu binodagi kvartiralarning narxi 246 ming yevrodan 50 million yevrogacha baholangan.
Residences by Binghatti — Bugatti brendidan ilhomlangan dunyodagi birinchi turar-joy majmuasi. Binoning fasadi silliq chiziqlar va nafis egiluvchan chiziqlar tasviri bilan ajralib turadi. U Fransiya Riviera’sini eslatadi va megapolisning markazida kurort uslubidagi hayot tarzini taklif etadi.
Kompleksning hashamatli qulayliklariga Riviera uslubidagi plyaj, shaxsiy basseyn, jakuzi-spa, fitnes-klub, shaxsiy oshpaz, xususiy mulkdorlar klubi va to‘g‘ridan-to‘g‘ri pentxausga olib boradigan avtomobillar uchun ikkita lift kiradi
Turar joy, shuningdek, o‘z rezidentlari uchun mo‘ljallangan turli xil yuqori darajadagi va moslashtirilgan xizmatlar, jumladan, shaxsiy haydovchi va konsyerj xizmatlarini o‘z ichiga oladi.
Ayni damda 32 yoshli Neymar yana bir jarohatidan forig‘ bo‘lmoqda. Uning Saudiya klubi bilan shartnomasi 2025-yilning yozida yakuniga etadi. Yanvar oyidan boshlab braziliyalik boshqa jamoalar bilan muzokaralar olib borish va dastlabki kelishuvni imzolash huquqiga ega bo‘ladi.
Izoh (0)