JCH—2026 saralashi. Braziliya Boliviyani tor-mor etdi, Rodrigo va Neymardan dubl, Urugvay esa Chilini ishonchli hisobda mag‘lub etdi

Futbol bo‘yicha 2026-yilgi Jahon Chempionati saralash bosqichida Braziliya terma jamoasi 9-sentabr, shanba kuni Boliviyaga qarshi bahs olib bordi. 

Uchrashuvning 24-daqiqasida Rodrigo hisobni ochdi. Ikkinchi bo‘lim boshida esa Rafinya braziliyaliklarning ikkinchi goliga mualliflik qildi. 53-daqiqada Rodrigo dubl qayd etdi. 61-daqiqada Neymar hisobni yirik ko‘rinishga olib keldi. Shundan so‘ng boliviyaliklar hisobni qisqartirishga muvaffaq bo‘ldi. 78-daqiqada Abrego gol muallifiga aylandi. O‘yin yakunida esa Neymar yana bir bora raqib darvozasini ishg‘ol qildi. 

Yana bir saralash o‘yinida Urugvay Chili ustidan 3:1 hisobida zafar quchdi.

JCH—2026 saralashi

1-tur bahslari

9-sentabr, shanba

Braziliya – Boliviya 5:1

Gollar: 1:0 – 24 Rodrigo, 2:0 – 47 Rafinya, 3:0 – 53 Rodrigo, 4:0 – 61 Neymar, 4:1 – 78 Abrego, 5:1 – 90 Neymar.

Braziliya: Ederson, Danilo, Markinyos, Gabriel (Rojer, 84), Lodi (Kayo Enrike, 71), Kazemiro, Bruno Gimaraes (Joelinton, 71), Rafinya, Rodrigo (Gabriel Jezus, 89), Neymar, Risharlison (Mateus Kunya, 71).

Boliviya: Viskarra, Bexarano (Kuelyar Rosales, 58), Medina Roman, Kinteros, Juzino, Suares, Fernandes (Roka, 58), Arraskayta (Kuelyar, 76), Sespedes (Ursino, 58), Vilyamil, Moreno (Abrego, 71).

Ogohlantirishlar: Moreno (18), Neymar (21), Ursino (69).

Urugvay – Chili 3:1

Gollar: 1:0 – 38 de la Krus, 2:0 – 45 Valverde, 3:0 – 71 de la Krus, 3:1 – 74 Vidal.