FIFA va FIFPro talqini bo‘yicha yilning eng yaxshi futbolchilaridan iborat ramziy terma jamoadan joy olishga da’vogar futbolchilar ro‘yxati e’lon qilindi.
Dastlabki ro‘yxatdan 26 nafar o‘yinchi joy olgan. Unda futbolchilarning 2021-yilning 8-avgustidan 2022-yilning 18-dekabriga qadar bo‘lgan muddatda qayd etgan natijalari inobatga olingan.
Yakuniy ro‘yxatni shakllantirishda butun bo‘yicha professional futbolchilarning ovozi inobatga olinadi.
Yakuniy ramziy terma jamoadan o‘z pozitsiyasida eng ko‘p ovoz olgan darvozabon, uch himoyachi, uch yarim himoyachi va uch hujumchi joy oladi. Yana bitta joy qolgan da’vogarlar ichida eng ko‘p ovoz to‘plagan istalgan pozitsiyadagi o‘yinchi (darvozabondan tashqari) uchun ajratilgan.
Ramziy terma jamoadan joy olishga da’vogar o‘yinchilar ro‘yxati:
Darvozabonlar: Alisson (“Liverpul”, Braziliya), Tibo Kurtua (“Real”, Belgiya), Emiliano Martines (“Aston Villa”, Argentina);
Himoyachilar: Joao Kanselu (“Manchester Siti” / ”Bavariya”, Portugaliya), Alfonso Devis (“Bavariya”, Kanada), Virjil van Deyk (“Liverpul”, Niderlandiya), Yoshko Gvardiol (“Leypsig”, Xorvatiya), Ashraf Hakimi (“PSJ”, Marokash), Teo Ernandes (“Milan”, Fransiya) Antonio Ryudiger (“Chelsi” / ”Real”, Germaniya), Tiago Silva (“Chelsi”, Braziliya);
Yarim himoyachilar: Jud Bellinghem (“Borussiya D”, Angliya), Kazemiro (“Real” / ”Manchester Yunayted”, Braziliya), Kevin de Bryuyne (“Manchester Siti”, Belgiya), Enso Fernandes (“River Pleyt” / ”Benfika” / ”Chelsi”, Argentina), Gavi (“Barselona”, Ispaniya), Luka Modrich (“Real”, Xorvatiya), Pedri (“Barselona”, Ispaniya), Federiko Valverde (“Real”, Urugvay);
Hujumchilar: Karim Benzema (“Real”, Fransiya), Erling Holand (“Borussiya D” / ”Manchester Siti”, Norvegiya), Robert Levandovski (“Bavariya” / ”Barselona”, Polsha), Kilian Mbappe (“PSJ”, Fransiya), Lionel Messi (“PSJ”, Argentina), Neymar (“PSJ”, Braziliya), Krishtianu Ronaldu (“Manchester Yunayted” / ”An-Nassr”, Portugaliya).
Yil ramziy terma jamoasi 27-fevral kuni bo‘lib o‘tadigan The Best marosimida e’lon qilinadi.
Izoh (0)