“Al-Hilol” va Braziliya terma jamoasi hujumchisi Neymar Saudiya Arabistoni jamoasini tark etishi mumkin.
“Sport.de”ning ispan OAVlariga tayanib xabar berishicha, braziliyalik futbolchi Saudiya Arabistonidagi faoliyatidan so‘ng “Real”ga o‘tishni orzu qiladi. Qayd etilishicha, futbolchi Vinisius Junior va u bilan yaxshi munosabatda bo‘lgan Kilian Mbappe bilan bir jamoada o‘ynashni istaydi.
Joriy mavsumda 32 yoshli hujumchi ikkita o‘yin o‘tkazdi va unda samarali harakat amalga oshira olmadi.
Ma’lumot uchun, Neymar 2023-yilning avgustida “Al-Hilol”ga o‘tgan edi. Futbolchining amaldagi klubi bilan mehnat shartnomasi 2025-yilning yoziga qadar amal qiladi. Transfermarkt internet portalida berilgan ma’lumotlarga ko‘ra, 32 yoshli hujumchining bozor qiymati 30 million yevroni tashkil qiladi.
Izoh (0)