Argentinalik futbolchi Lionel Messi “PSJ”da o‘ynab yurgan vaqtda parijliklar himoyachisi Ashraf Hakimi bilan munosabatlari tarang bo‘lgan.
L’Equipe nashrining xabar berishicha, 2022/23-yilgi mavsum so‘ngida futbolchilar o‘rtasida kelishmovchilik yuzaga kelgan. Mashg‘ulotlar vaqtida ular bir-biriga ovozini baland qilib gapirgan. Vaziyatga esa Neymar va Serxio Ramos aralashgan.
“Yaxshiyam Ramos bo‘lgan, u haqiqiy yetakchi. Serxio vaziyatni yumshatgan”, — deb yozadi nashr nomi oshkor etilmagan manbaning gaplaridan iqtibos keltirib.
Ispaniyalik futbolchi “PSJ”da tez-tez bir-biri bilan tortishib qolgan futbolchilarni yarashtirish bilan shug‘ullangan.
Eslatib o‘tamiz, Lionel Messi 2023-yildan buyon “Inter Mayami” sharafini himoya qilib kelmoqda. Ashraf Hakimi esa hamon “PSJ”da to‘p suradi.
Izoh (0)