Саудия Арабистонининг “Ал-Ҳилол” клубининг бразилиялик ҳужумчиси Неймар жамоадошларига 2025 йилнинг ёзида Американинг “Интер Майами” клубига ўтишини айтди, деб хабар беради Sky Sport Switzerland.
2024—2025 йилги мавсум якунлангач, Неймарнинг “Ал-Ҳилол” билан шартномаси тугайди. Томонлар ўртасидаги келишувни узайтириш эҳтимоли йўқлиги маълум қилинганди.
32 ёшли бразилиялик футболчининг “Барселона”даги собиқ жамоадошлари — Лионель Месси, Серхио Бускетс, Хорди Альба “Интер Майами”да ўйнайди ва жамоа бош мураббийи яна бир собиқ каталониялик футболчи Хавер Маскерано ҳисобланади.
Маълумот учун, Неймар 2023 йилнинг ёзида “Ал-Ҳилол”га ўтган эди. Жароҳатлари туфайли футболчи жамоа билан еттита ўйин ўтказди.
Аввалроқ Неймар ўз фаолиятини Испанияда давом эттириши мумкинлиги хабар қилинганди.
Бразилиялик футболчи Дубайдан 50 миллион еврога пентхаус сотиб олганди.
Изоҳ (0)