Neymar yaqin orada jarohatidan tuzalmaydi va Amerika Kubogi—2024 musobaqasini o‘tkazib yuboradi.
Neymar oktyabr oyida JCH—2026 saralashidan o‘rin olgan Braziliya va Urugvay o‘rtasidagi bahsda tizzasidan jarohat olib, maydonni tark etgandi.
Futbolchini operatsiya qilgan Braziliya terma jamoasi shifokori Rodrigo Lasmar uning Amerika Kubogida ishtirok etmasligini tasdiqladi.
“Juda erta. Tuzatishning alohida bosqichlarini o‘tkazib yuborib, tavakkalchilik qilishdan foyda yo‘q. Neymar keyingi Yevropa mavsumi boshlanishi, ya’ni avgust oyida maydonga qaytishini kutmoqdamiz.
Sabrli bo‘lish lozim. U kamida 9 oysiz maydonga qayta olmaydi.
U qaytganidan so‘ng yuqori darajada o‘yin ko‘rsatishiga umid qilamiz”, — deydi Lasmar.
Eslatib o‘tamiz, “Al-Hilol” hujumchisi biror marotaba Amerika Kubogida zafar quchmagan. Braziliya bilan birgalikda 2021-yilgi turnir finaliga qadar yetib borgan va hal qiluvchi bahsda Argentinaga imkoniyatni boy bergandi.
Izoh (0)