“Faoliyatimdagi eng og‘riqli mag‘lubiyat. 5 kun tinimsiz yig‘lagadim”. Neymar faoliyatidagi eng alamli o‘yin haqida gapirdi

Neymar Braziliyaning JCH—2022 chorak finaldagi mag‘lubiyatini faoliyatidagi eng og‘iri deb atadi.

Braziliya terma jamoasi Qatarda bo‘lib o‘tgan mundialning 1/4 finalida Xorvatiyaga qarshi bahs olib borib, penaltilar seriyasida mag‘lubiyatga uchragandi.

O‘sha vaqtda qanaqa o‘ylar boshimdan o‘tganini ta’riflay olmayman. Shubhasiz, faoliyatimdagi eng og‘riqli mag‘lubiyat. Besh kun tinimsiz yig‘ladim. Orzularim barbod bo‘lgandi. 

Bu hayotimdagi eng yomon davr. Bu xuddi dafn marosimini eslatardi: sening yoningda kimdir yig‘layapti, ortingda yana bir kishi ko‘z yosh to‘kmoqda. Juda dahshatli his, buni takror his etishni istamayman.

To‘g‘risini aytsam, Jahon Chempionatidan so‘ng terma jamoadagi faoliyatimni yakunlamoqchi edim. Keyin esa o‘ylab ko‘rdim, hali g‘alabalarga chanqoqman. Shunday qilsak yaxshiroq bo‘ladi. 

Neymar, Braziliya terma jamoasi hujumchisi

2022-yilda Qatarda bo‘lib o‘tgan Jahon Chempionatida Argentina terma jamoasi g‘alaba qozongan. Janubiy Amerika vakillari hal qiluvchi bahsda Fransiyani mag‘lub etgandi.