JCH—2022 ning eng chiroyli goli aniqlandi

Qatarda bo‘lib o‘tgan Jahon Chempionati yakunlariga ko‘ra, chempionatning eng yaxshi goli aniqlandi.

Braziliya terma jamoasi hujumchisi Risharlisonning Serbiyaga urgan qaychi uslubidagi goli eng yaxshisi deb topildi.

Voted by you and only you:

🕊🇧🇷 @richarlison97's bicycle kick is one for the books and your 🥇 Hyundai Goal Of The Tournament! #HyundaiGOTT2022 | #FIFAWorldCup pic.twitter.com/ZADZr56ds9

— FIFA World Cup (@FIFAWorldCup) December 23, 2022

Shuningdek, sovrin uchun Salim ad-Dosari (Saudiya Arabistoni, Argentinaga qarshi o‘yindagi g‘alaba goli), Risharlison (Braziliya, Janubiy Koreyaga qarshi o‘yindagi kombinatsion hujumdan keyingi gol), Kodi Gakpo (Niderlandiya, Ekvadorga qarshi o‘yindagi gol), Enso Fernandes (Argentina, Meksikaga qarshi bahsdagi gol), Vensan Abubakar (Kamerun, Serbiyaga qarshi o‘yindagi gol), Luis Chaves (Meksika, Saudiya Arabistoni darvozasiga jarima zarbasidan urilgan gol), Kilian Mbappe (Fransiya, qo‘shimcha daqiqalarda Polsha darvozasiga urilgan gol), Payk Sin Ho (Janubiy Koreya, Braziliyaga qarshi bahsda uzoqdan berilgan zarba orqali urilgan gol), Neymar (Braziliya, Xorvatiya darvozasi ishg‘ol etilishi) kabi futbolchilar kurash olib borgandi.

Qatarda bo‘lib o‘tgan mundialda 32 ta terma jamoa 172 ta gol urdi. Bu musobaqa tarixidagi eng yaxshi ko‘rsatkich hisoblanadi. 1998-yilgi va 2014-yilgi musobaqalarda 171 ta gol urilgan edi. Ushbu musobaqada har bir o‘yinda o‘rtacha 2,7 ta gol urildi.