Saudiyaning “Al-Hilol” jamoasi Vinisius Juniorni 2025-yilning yozida o‘z safiga qo‘shib olishga harakat qiladi.
Marca nashrining xabariga ko‘ra, Saudiya Arabistoni chempionati vakillari o‘tgan yozdagi kabi vinger bilan shartnoma imzolashga harakat qilib ko‘radi.
“Real” futbolchisiga mamlakatning amaldagi chempioni “Al-Hilol” jiddiy qiziqish bildirmoqda. Tarkibida Neymar to‘p suradigan klub uning jarohatidan so‘ng maydonga qaytishiga umid qilmayapti va 2025-yilda Neymar bilan shartnomani bekor qilish haqida o‘ylamoqda. Vinisius Junior esa uning o‘rnini bosishi maqsad qilingan.
“Real Madrid” esa o‘z navbatida Vinisius jamoani tark etmasligiga ishonchi komil. Birinchidan, uning tovon puli 1 milliard yevro, ikkinchidan, rahbariyat futbolchining jamoaga sodiq deya hisoblaydi.
Vinisius joriy mavsum madridliklar safida La Liganing 9 o‘yinida ishtirok etib, 4 ta gol va 6 ta golli uzatmaga mualliflik qildi.
Izoh (0)