Braziliyalik futbolchi Neymar Floridadan bahosi 25 million dollardan ortiq bo‘lgan uy xarid qildi.
So‘nggi vaqtlarda “Al-Hilol” hujumchisining “Inter Mayami”ga o‘tishi haqida gap-so‘zlar tarqaldi. 32 yoshli futbolchi yana Lionel Messi, Luis Suares, Serxio Buskets hamda Jordi Albalar bilan bir jamoada to‘p surishi mumkin.
The Miami Herald nashri ushbu xaridni tasdiqladi: “Bu Bel-Harbordagi rekord narx. Neymar hozirgina uni sotib oldi”, deya yozdi.
Eslatib o‘tamiz, Neymar “Inter Mayami”dagi sobiq jamoadoshlari bilan “Barselona”da birga to‘p surgan.
Eslatib o‘tamiz, Neymar 2023-yil oktyabr oyida tizzasidan jarohat olgandi. Oradan bir yildan ortiq vaqt o‘tib, futbolchi “Al-Hilol” safida yana maydonga tushishni boshladi.
Izoh (0)