Avvalroq “Al-Hilol” hujumchisi Neymar Saudiya klubini tark etishi mumkinligi haqida xabarlar tarqalgandi. Futbolchining agenti bu haqda o‘z fikrlarini bildirib o‘tdi.
Pini Zaxavining aytishicha, Neymarning “Al-Hilol”dan ketishi haqida hech qanday muzokaralar olib borilmagan.
“Uning saudiyaliklar bilan shartnomasi bor va u bu yerda baxtli. Neymarning kelajagi borasida men va uning otasi aniq maʼlumotga ega insonlarmiz. Uning ‘Santos’ga o‘tishi haqida gap-so‘zlar qayerdan chiqqanini bilmayman. Neymar ‘Al-Hilol’da qoladi”, degan agent.
32 yoshli o‘yinchi joriy mavsum 2 ta o‘yinda qatnashdi va golli vaziyatlarda ishtirok etmadi.
Eslatib o‘tamiz, Neymar 2023-yilning avgustida “Al-Hilol” bilan shartnoma imzolagandi. Futbolchining klub bilan amaldagi shartnomasi 2025-yil yozigacha amal qiladi.
Neymar “Santos” klubi tarbiyalanuvchisi hisoblanadi va 2009-yildan 2013-yilga qadar ushbu klub sharafini himoya qilgan.
Transfermarkt portaliga ko‘ra hujumchining hozirgi qiymati 30 million yevroni tashkil etadi.
Izoh (0)