Хоразмда солиқ инспекторига, Қашқадарёда эса суд-экспертиза маркази ходимига нисбатан жиноят иши қўзғатилди.
Маълум қилинишича, Янгиариқ тумани давлат солиқ инспекциясининг маҳаллаларга бириктирилган солиқ инспекторлари шўбаси давлат солиқ инспектори трикотаж маҳсулотлари ишлаб чиқариш ва улгуржи савдоси билан шуғулланувчи МЧЖнинг солиқ қарздорлигини ундирмасдан, уни банкротлик асосида тугатиб беришни ваъда қилган.
Бунинг эвазига ўзининг яқин алоқаси орқали 900 доллар олган вақтида ушланди.
Ҳозирда солиқ инспекторига нисбатан Жиноят кодексининг 168-моддаси 3-қисми “в” банди (фирибгарлик хизмат мавқейидан фойдаланган ҳолда) билан жиноят иши қўзғатилиб, тергов ҳаракатлари олиб борилмоқда.
Шунингдек, Яккабоғ туманида яшовчи, 1985-й.т., муқаддам судланган шахс чорвачиликка ихтисослашган фермер хўжалик томонидан сув таъминотига ноқонуний уланиб, фойдаланганлиги ҳолати бўйича аниқланган 99 млн сўмлик зарарни тегишли ташкилот экспертлари орқали йўқ қилиб беришни ваъда қилган. Бунинг эвазига, фермер хўжаликнинг иш бошқарувчисидан 1500 доллар олган вақтида ушланди.
Тезкор тадбир давом эттирилиб, Х.Сулаймонова номидаги Республика суд-экспертиза марказининг Қашқадарё вилоят бўлинмаси эксперти ушбу 1500 долларни олган вақтида ушланди.
Ҳозирда фуқаро ва экспертга нисбатан Жиноят кодексининг 168-моддаси 3-қисми “в” банди (фирибгарлик хизмат мавқейидан фойдаланган ҳолда) ва 28,211-моддаси 1-қисми (пора бериш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)