Қатар 400 миллиард долларлик ҳашаматли Boeing 747-8 самолётини АҚШ президенти Дональд Трампга совға қилди. Бу ҳақда Associated Press хабар берди.
Ушбу самолёт 90 нафар меҳмон ва 14 нафар экипаж аъзосини сиғдира олади. Йўловчилар икки қаватда жойлашган бешта меҳмонхона ва шахсий ваннага эга ётоқхонадан фойдаланиши мумкин. АҚШ мудофаа вазири Пит Хегсетнинг сўзларига кўра, Қатар қироллик оиласи ушбу лайнерни Трамп учун совға қилган ва у Air Force Onе — “Биринчи борт” сифатида қабул қилинган.
АҚШ Мудофаа вазирлиги самолётдан президент фойдаланиши учун тегишли хавфсизлик чораларини кўради, деди Пентагон вакили Шон Парнелл.
У учоқ “барча федерал қоидалар ва низомларга мувофиқ” қабул қилинганини айтган. АҚШ президенти қимматбаҳо совғани қабул қилгани учун танқидга учрагач, самолёт солиқ маблағларини тежаш усули эканини билдирган.
Агар бизнинг ҳарбийларимиз, яъни солиқ тўловчиларимиз буларнинг барчасини бепул олиши мумкин бўлса, нега юзлаб миллион доллар сарфлашлари керак? деган Трамп.
АҚШдаги айрим сиёсатчилар бу конституциядаги чет эл совғаларига қўйилган тақиқни бузиш эканини таъкидламоқда. Улар самолётни хавфсизлик талабларига мослаштириш учун модернизация қилиш зарурлиги, бу эса кўп маблағ ва вақт талаб қилишини билдирган.
Конституцияга зид мазкур ҳаракат нафақат пулни тежайди, балки мамлакатимиз қадр-қимматини йўқотади, балки солиқ тўловчиларни ушбу самолётни капитал таъмирлаш учун 1 миллиард доллардан ортиқ маблағ сарфлашга мажбур қилади, ҳозирда бизда битта эмас, иккита тўлиқ соз ва тўлиқ жанговар Аir Force Оnе самолёти мавжуд, деди Иллинойс штатидан сенатор-демократ Тамми Дакворт.
Трамп Қатардан келган самолёт шахсан унга эмас, балки АҚШ ҳарбий-ҳаво кучларига топширилганини айтган. У президентлик муддати тугагач, Қатар совғасидан фойдаланмаслигини маълум қилган.
“Учар сарой” ҳақида нималар маълум
Экспертларнинг ҳисоб-китобларига кўра, самолётнинг нархи алоқани ҳимоя қилиш учун қўшимча ускуналарни ҳисобга олмаганда, тахминан, 400 миллион долларни ташкил этади.
У дастлаб АҚШ ҳарбий-ҳаво кучларига топширилади, улар 13 йиллик авиатехникани президент учун хавфсизлик талабларига мувофиқ қайта жиҳозлайди. Самолёт дизайни билан Франциянинг Cabinet Аlberto Pinto агентлиги шуғулланган. Натижада йўловчи лайнери икки қаватли “учар сарой”га айлантирилган. Унинг ички қисми ҳашаматли люкслар, меҳмонхоналар, ошхоналар, йўловчилар учун дам олиш хоналари ва ювиниш хоналарига бўлинган.
Асосий ётоқхона самолётнинг бурун қисмида, тўғридан тўғри кабина остида жойлашган. Ҳозирги биринчи рақамли бортлар 1990 йилдан бери ишлатилган эски Boeing 747-200 самолётларидир. 2018 йилда буюртма қилинган янги самолётларни етказиб бериш кечикмоқда. Улар фақат 2029 йилда, Трамп президент бўлмаганида тайёр бўлиши кутилмоқда.
Изоҳ (0)